ഇളയരാജയായി ധനുഷ് വേഷമിട്ട് വരാനിരിക്കുന്ന ചിത്രത്തിന്റെ പോസ്റ്റര് പുറത്തുവിട്ടു.
സംഗീതജ്ഞൻ ഇളയരാജയായി ധനുഷ് എത്തുന്ന ചിത്രത്തിന്റെ പ്രഖ്യാപനം ചര്ച്ചയായിരുന്നു. രാജ്യമൊട്ടാകെ ശ്രദ്ധയാകര്ഷിച്ച ഹിറ്റ് സംഗീത സംവിധായകൻ ഇളയരാജയായി തമിഴ് നടൻ ധനുഷെത്തുമ്പോള് സംവിധാനം അരുണ് മതേശ്വരനാണ്. ബയോപ്പിക്കിന്റെ പുതിയ പോസ്റ്റര് പുറത്തുവിട്ടു. ആരാധകര് പോസ്റ്റര് ഹിറ്റാക്കിയിരിക്കുകയാണ്
ഇളയരാജയുടെ പാട്ടുകള് ഭാഷാഭേദമന്യേ തലമുറകളായി സിനിമാ ആസ്വാദകര് ഏറ്റെടുക്കുന്നതാണ്. സംഗീതജ്ഞനായ ഇളയരാജയുടെ ഇതിഹാസ ജീവിതം സിനിമയായി ഒരുങ്ങുന്നത് ചര്ച്ചയായിരിക്കുകയാണ്. എന്തായാലും ധനുഷ് ഇളയരാജയായി ഒരു ചിത്രത്തില് എത്തുമ്പോള് ആരാധകരുടെ പ്രതീക്ഷകള് വലുതായിരിക്കും. ധനുഷ് നായകനായി വേഷമിട്ടവയില് ഒടുവിലെത്തിയ സിനിമ ക്യാപ്റ്റൻ മില്ലറാണ്.
ധനുഷ് നായകനായി വേഷമിടുന്ന പുതിയ ചിത്രം രായനാണ് ഇനി റിലീസ് ചെയ്യാനുള്ളത്. അപര്ണ ബാലമുരളി രായൻ സിനിമയിലെ തന്റെ ലുക്ക് പുറത്തുവിട്ട് ഒരു കുറിപ്പെഴുതിയിരുന്നു. താങ്കളുടെ കടുത്ത ആരാധികയെന്ന നിലയില് ചിത്രത്തില് വേഷമിടാൻ അവസരം ലഭിച്ചത് ഒരു സ്വപ്നത്തിന്റെ യാഥാര്ഥ്യം പോലെയാണ്. ധനുഷ് ഒരു പ്രചോദനമാണ് എന്നും പറയുന്നു സൂര്യ നായകനായ സൂരരൈ പൊട്രുവിലൂടെ മികച്ച നടിക്കുള്ള ദേശീയ അവാര്ഡ് നേടിയ അപര്ണ ബാലമുരളി.
എസ് ജെ സൂര്യ ധനുഷിന്റെ സംവിധാനത്തിലുള്ള രായനില് പ്രതിനായകനായി എത്തും എന്ന് റിപ്പോര്ട്ടുകളുണ്ട്. സുന്ദീപ് കൃഷ്ണയും ഒരു പ്രധാന കഥാപാത്രമായി ചിത്രത്തില് ഉണ്ടാകും. ഒരുപാട് സര്പൈസുകള് ധനുഷ് തന്റെ ചിത്രമായ രായനില് ഒളിപ്പിച്ചിട്ടുണ്ട് എന്നാണ് തമിഴകത്ത് പ്രധാന ചര്ച്ച. കഥയടക്കമുള്ള സസ്പെൻസുകള് നീങ്ങണമെങ്കില് എന്തായാലും ചിത്രം റിലീസ് ചെയ്യുന്നതുവരെ കാത്തുനില്ക്കുകയേ നിവര്ത്തിയുള്ളൂ. രായന്റെ നിര്മാണം സണ് പിക്ചേഴ്സ്. ഛായാഗ്രാഹണം ഓം പ്രകാശ്. ഫസ്റ്റ് ലുക്കില് ഞെട്ടിക്കുന്ന ലുക്കില് താരം പ്രത്യക്ഷപ്പെട്ടിരുന്നു.
