'കുഞ്ഞിക്കാലടി ഒച്ച കേൾക്കുമ്പോൾ...' മാതൃദിനത്തിൽ ഉള്ളം നിറയ്ക്കുന്ന പാട്ടുമായി ഹരി പി നായരും സംഘവും
'കുഞ്ഞിക്കാലടി ഒച്ച കേൾക്കുമ്പോൾ.. 'എന്ന് തുടങ്ങുന്ന ഗാനം മലായാളികളുടെ പ്രിയഗായിക സുജാത മോഹനാണ് ആലപിച്ചിരിക്കുന്നത്.
അമ്മ അത് വെറും രണ്ടക്ഷരം മാത്രമല്ല, ആ രണ്ടക്ഷരത്തിൽ മുഴുവൻ നിറഞ്ഞിരിക്കുന്നത് സ്നേഹമാണ്. അമ്മയെ കുറിച്ച് വാതോരാതെ പറയുന്നവർക്ക് തിരികെ സ്നേഹം നൽകാനുളള സുവർണ ദിനമാണ് മാതൃദിനം. ഈ മാതൃദിനത്തിൽ മലയാളക്കരയ്ക്ക് ഏറ്റുപാടാനായി മാതൃസ്നേഹം നിറഞ്ഞു നിൽക്കുന്ന ആൽബവുമായി എത്തിയിരിക്കുകയാണ് ഹരി പി നായരും സംഘവും. അമ്മമാനസം എന്ന് പേരിട്ടിരിക്കുന്ന ആൽബം യൂട്യൂബിൽ റിലീസ് ചെയ്തു.
'കുഞ്ഞിക്കാലടി ഒച്ച കേൾക്കുമ്പോൾ..' എന്ന് തുടങ്ങുന്ന ഗാനം മലായാളികളുടെ പ്രിയഗായിക സുജാത മോഹനാണ് ആലപിച്ചിരിക്കുന്നത്. ബാലഗോപാലാണ് ആൽബത്തിന്റെ സംഗീതം നിർവ്വഹിച്ചിരിക്കുന്നത്. ഹരി പി നായർ രചനയും സംവിധാനവും ചെയ്തിരിക്കുന്ന ആൽബം നിർമ്മിച്ചിരിക്കുന്നത് നടൻ ധർമജൻ ബോൾഗാട്ടിയാണ്.
അമ്മ,മുത്തശ്ശി എന്നീ കഥാപാത്രങ്ങളിലൂടെ അമ്പരപ്പിക്കുന്ന ഭാവമാറ്റങ്ങളുമായി സിനിമാ താരം ലെനയും ആൽബത്തിന്റെ ഭാഗമാകുന്നുണ്ട്.