മിന്നല് മുരളി എന്ന സിനിമയുടെ സെറ്റ് തകര്ത്ത സംഭവത്തില് പ്രതികരണവുമായി സംവിധായകൻ ബി ഉണ്ണികൃഷ്ണൻ.
മിന്നല് മുരളി എന്ന സിനിമയുടെ സെറ്റ് സാമൂഹ്യ വിരുദ്ധര് തകര്ത്ത സംഭവത്തോട് ചലച്ചിത്രമേഖലിയിലെയും സാമൂഹ്യരംഗത്തെയും പ്രമുഖര് രൂക്ഷമായാണ് പ്രതികരിച്ചത്. ഒരു സിനിമാ സെറ്റ് പൊളിക്കാനായി തുനിഞ്ഞിറങ്ങിയവരുടെ ഉള്ളിലെ വർഗ്ഗീയതയുടെ വൈറസ് എത്ര മാരകമാണ് എന്നാണ് ബി ഉണ്ണികൃഷ്ണൻ ചോദിക്കുന്നത്.
ബി ഉണ്ണികൃഷ്ണന്റെ ഫേസ്ബുക്ക് പോസ്റ്റ്
വാങ്ങിക്കേണ്ട മുഴുവൻ അനുമതികളും വാങ്ങിച്ചുകൊണ്ട്, ലക്ഷങ്ങൾ മുടക്കി നിർമ്മിച്ച മിന്നൽമുരളി എന്ന സിനിമയുടെ സെറ്റാണ് സാമൂഹിക വിരുദ്ധർ തകർത്തത്. ലോകം മുഴുവനും, വർഗ്ഗ- വർണ്ണ-ജാതി ഭേദമില്ലാതെ മഹാമാരിയെ ചെറുക്കുമ്പോൾ, ഇത്ര അസഹിഷ്ണുതയോടെ ഒരു സിനിമാ സെറ്റ് പൊളിക്കാനായി തുനിഞ്ഞിറങ്ങിയവരുടെ ഉള്ളിലെ വർഗ്ഗീയതയുടെ വൈറസ് എത്ര മാരകമാണ്? ഇവർക്കെതിരെ ശക്തമായ നടപടികൾ ഉണ്ടാവണമെന്ന് സർക്കാരിനോട് ആവശ്യപ്പെടുന്നു. ബേസിലിനും, സോഫിയാ പോളിനും, മിന്നൽ മുരളി ടീമിനും ഐക്യദാർഡ്യം.
