Odiyan : 'ഒടിയൻ' ഹിന്ദിയില്, ട്രെയിലര് പുറത്തുവിട്ടു
കളക്ഷനില് റെക്കോര്ഡിട്ട ചിത്രമായ 'ഒടിയൻ' ഹിന്ദിയില് (Odiyan).
മോഹൻലാല് നായകനായ ചിത്രം 'ഒടിയൻ' ഏറെ ചര്ച്ചയായതാണ്. വി എ ശ്രീകുമാര് സംവിധാനം ചെയ്ത 'ഒടിയൻ' ഹിന്ദിയിലേക്ക് എത്തുന്നുവെന്നതാണ് പുതിയ റിപ്പോര്ട്ട്. ഹിന്ദിയിലേക്ക് 'ഒടിയൻ' ചിത്രം മൊഴി മാറ്റിയിട്ടാണ് എത്തുക. 'ഒടിയൻ' എന്ന ചിത്രത്തിന്റെ ഹിന്ദി ഡബ്ബ് പതിപ്പിന്റെ ട്രെയിലര് പുറത്തുവിട്ടു (Odiyan).
നൂറ് കോടി ക്ലബിലെത്തിയ ചിത്രമാണ് 'ഒടിയൻ'. കേരളത്തില് റിലീസ് ദിവസം ഏറ്റവും കളക്ഷൻ നേടുന്ന രണ്ടാമത്തെ ചിത്രവുമാണ് 'ഒടിയൻ'. 'കെജിഎഫ് രണ്ട്' എത്തും വരെ ഒടിയൻ തന്നെയായിരുന്നു മുന്നില്. മഞ്ജു വാര്യരായിരുന്നു ചിത്രത്തില് നായികയായി എത്തിയത്.
ആന്റണി പെരുമ്പാവൂരാണ് ചിത്രം നിര്മിച്ചത്. ആശിര്വാദ് സിനിമാസിന്റെ ബാനറിലായിരുന്നു നിര്മാണം. മാക്സ് ലാബ് സിനിമാസ് ആയിരുന്നു വിതരണം. ജോൺ കുട്ടിയാണ് ചിത്രത്തിന്റെ ചിത്ര സംയോജനം നിര്വഹിച്ചത്.
കെ ഹരികൃഷ്ണനാണ് ചിത്രത്തിന്റെ തിരക്കഥ എഴുതിയത്. പ്രകാശ് രാജ്, ഇന്നസെന്റ്, സിദ്ദിഖ്, കൈലാഷ് തുടങ്ങി ഒട്ടേറെ താരങ്ങള് ചിത്രത്തിലുണ്ടായിരുന്നു. ഷാജി കുമാറാണ് ചിത്രത്തിന്റെ ഛായാഗ്രാഹണം നിര്വഹിച്ചത്. സമീപകാലത്ത് മലയാള ചിത്രങ്ങളുടെ ഹിന്ദി മൊഴിമാറ്റ പതിപ്പുകള് ഹിറ്റായ അനുഭവമുള്ളതിനാല് 'ഒടിയനും' സ്വീകരിക്കപ്പെടും എന്നാണ് പ്രതീക്ഷ.
Read More : മാപ്പ് പറഞ്ഞ് അക്ഷയ് കുമാര്, 'ആ പണം നല്ല കാര്യങ്ങള്ക്ക് ഉപയോഗിക്കും'
പാൻ മസാല പരസ്യത്തില് അഭിനയിച്ചതിന് മാപ്പ് പറഞ്ഞ് അക്ഷയ് കുമാര്. എല്ലാ പ്രേക്ഷകരോടും താൻ ക്ഷമ ചോദിക്കുന്നുവെന്ന് അക്ഷയ് കുമാര് പറഞ്ഞു. ഇനി പാൻ മസാല പര്യങ്ങളില് അഭിനയിക്കില്ല. പരസ്യത്തില് നിന്ന് ലഭിച്ച പണം നല്ല കാര്യങ്ങള്ക്ക് ഉപയോഗിക്കുമെന്നും അക്ഷയ് കുമാര് അറിയിച്ചു (Akshay Kumar).
എല്ലാ പ്രേക്ഷകരോടും താൻ ക്ഷമ ചോദിക്കുന്നു. കഴിഞ്ഞ ദിവസങ്ങളായുള്ള പ്രതികരണങ്ങള് തന്നെ വല്ലാതെ വേദനിപ്പിച്ചു. പുകയിലെ ഉപയോഗത്തെ ഒരിക്കലും ഞാൻ പിന്തുണയ്ക്കില്ല. വിമല് എലൈച്ചിയുടെ പരസ്യങ്ങള് കാരണമുണ്ടായ ബുദ്ധിമുട്ടുകള് ഞാൻ മനസിലാകുന്നു. പരസ്യത്തില് നിന്ന് ഞാൻ പിൻമാറുന്നു. അതില് നിന്ന് ലഭിച്ച തുക എന്തെങ്കിലും നല്ല കാര്യങ്ങള്ക്കായി ഉപയോഗിക്കും. ഞാനുമായുള്ള കരാര് അവസാനിക്കുന്നതുവരെ പരസ്യം സംപ്രേഷണം ചെയ്യും. എന്നാല് ഇനി അത്തരം പരസ്യങ്ങളുടെ ഭാഗമാകില്ലെന്ന് ഉറപ്പ്. എല്ലാവരുടെയും സ്നേഹം പ്രതീക്ഷിക്കുന്നുവെന്നും അക്ഷയ് കുമാര് സാമൂഹ്യമാധ്യമത്തില് എഴുതിയിരിക്കുന്നു.
അജയ് ദേവ്ഗണും ഷൂരൂഖ് ഖാനും പാൻ മസാല പരസ്യത്തില് അഭിനയിച്ചിരുന്നു.ഇവര് പാൻ മസാല ചവച്ചുകൊണ്ട് ആരാണ് ഈ പുതിയ കില്ലാഡി എന്ന് ചോദിക്കുന്നതാണ് പരസ്യം. അപ്പോള് അക്ഷയ് കുമാര് പാൻ മസാല ചവച്ചുകൊണ്ട് കടന്നുവരികയും ചെയ്യുകയുമാണ്. പുകയില പരസ്യങ്ങളില് അഭിനിയിക്കില്ലെന്ന് മുമ്പ് പറഞ്ഞ നടനാണ് അക്ഷയ് കുമാര്. അക്ഷയ് കുമാര് ഒരു അവസരവാദിയാണെന്ന് സാമൂഹ്യമാധ്യമങ്ങളില് വിമര്ശനമുയര്ന്നിരുന്നു. ഇതോടെയാണ് അക്ഷയ് കുമാര് പ്രതികരണവുമായി രംഗത്ത് എത്തിയത്.
ബച്ചൻ പാണ്ഡെ എന്ന ചിത്രമാണ് അക്ഷയ് കുമാര് അഭിനയിച്ച് ഏറ്റവും ഒടുവില് പ്രദര്ശനത്തിനെത്തിയത്. ഫര്ഹാദ് സാംജിയാണ് ചിത്രം സംവിധാനം ചെയ്തത്. ആക്ഷന് കോമഡി ഗണത്തില് പെടുന്ന ചിത്രമാണിത്. കാര്ത്തിക് സുബ്ബരാജിന്റെ ജിഗര് തണ്ഡയില് നിന്ന് പ്രചോദനം ഉള്ക്കൊണ്ടിരിക്കുന്ന ചിത്രത്തിന് രചന നിര്വ്വഹിച്ചിരിക്കുന്നത് സംവിധായകനൊപ്പം നിശ്ചയ് കുട്ടണ്ഡയും ചേര്ന്നാണ്. നദിയാദ്വാല ഗ്രാന്ഡ്സണ് എന്റര്ടെയ്ന്മെന്റിന്റെ പശ്ചാത്തലത്തില് സാജിദ് നദിയാദ്വാലയാണ് നിര്മ്മാണം. സാജിദിന്റെ നിര്മ്മാണത്തില് അക്ഷയ് കുമാര് നായകനായ പത്താമത് ചിത്രമാണിത്. കൃതി സനോണ്, ജാക്വലിന് ഫെര്ണാണ്ടസ്, അര്ഷാദ് വര്സി, പങ്കജ് ത്രിപാഠി, പ്രതീക് ബാബര്, അഭിമന്യു സിംഗ് തുടങ്ങിയവര് അഭിനയിച്ചിരിക്കുന്നു. ഛായാഗ്രഹണം ഗാവമിക് യു അറി.