'സാറ്റ്‍ലൈറ്റ് വിലയില്ലാത്ത, കുറെ നാളായി മലയാളത്തില്‍ സിനിമ ചെയ്യാത്ത നടന്‍'; കണ്ണുനിറ‍ഞ്ഞ് നന്ദി പറഞ്ഞ് നീരജ്, വീഡിയോ
'ഗൗതമന്‍റെ രഥം' എന്ന ചിത്രത്തിന്‍റെ പ്രദര്‍ശനത്തിന് ശേഷം വികാരീധനായി നന്ദി പറഞ്ഞ് നീരജ് മാധവ്.
തിരുവനന്തപുരം: നീരജ് മാധവ് നായകനായെത്തിയ ഏറ്റവും പുതിയ ചിത്രമാണ് 'ഗൗതമന്‍റെ രഥം'. സിനിമയുടെ ആദ്യ പ്രദര്‍ശനം കഴിഞ്ഞ് വികാരീധനായി നീരജ് സോഷ്യല്‍ മീഡിയയില്‍ പങ്കുവെച്ച കുറിപ്പ് ഇപ്പോള്‍ വൈറലാകുന്നത്. 'തീരാക്കഥ എന്ന ഗാനത്തില്‍ പടം തീര്‍ന്നു എന്‍ഡ് ക്രെഡിറ്റ്‌സ് തുടങ്ങിയപ്പോള്‍ നിലയ്ക്കാത്ത കയ്യടി. സത്യം പറഞ്ഞാ കണ്ണു നിറഞ്ഞുപോയി'- നീരജ് കുറിച്ചു.
നീരജ് മാധവിന്‍റെ കുറിപ്പിന്‍റെ പൂര്‍ണരൂപം...
satellite valu ഇല്ലാത്ത, കുറെ നാളായി മലയാളത്തിൽ സിനിമ ചെയ്യാത്ത നടൻ, ആദ്യ സിനിമ ചെയ്‌യുന്ന പുതിയ സംവിധായാകൻ, വിശ്വസിച്ചു കാശിറക്കിയ നിർമാതാവ്, കട്ടയ്ക്ക് കൂടെ നിന്ന കുറച്ചു സുഹൃത്തുക്കൾ! ഇന്നലെ വെള്ളിയാഴ്ച്ച ദിവസം ഞങ്ങളുടെ സിനിമയുടെ വിധിയും കാത്തു തിയേറ്ററിൽ ഏറ്റവും പിറകിലെ നിരയിൽ ഞങ്ങളെല്ലാവരും ഒരുമിച്ചുണ്ടായിരുന്നു. തീരാക്കഥ എന്ന ഗാനത്തിൽ പടം തീർന്നു End credits തുടങ്ങിയപ്പോൾ നിലയ്ക്കാത്ത കയ്യടി. സത്യം പറഞ്ഞാ കണ്ണു നിറഞ്ഞുപോയി, നല്ല സിനിമയെ കൈവിടാത്ത പ്രേക്ഷകരും കൂടെയുണ്ടെന്നറിഞ്ഞ വല്ലാത്ത ഒരു സന്തോഷം! നന്ദി ഒരുപാട് നന്ദി
"
