അവർ അന്യഗ്രഹജീവികളല്ല, മറ്റ് മനുഷ്യരുടെ അവകാശങ്ങൾക്കായി സംസാരിക്കുന്ന സഹജീവികളാണ്; സൊനാക്ഷി സിൻഹ
കര്‍ഷക സമരത്തെക്കുറിച്ച് പോപ് ഗായിക റിഹാന, സ്വീഡിഷ് പരിസ്ഥിതി പ്രവര്‍ത്തക ഗ്രേറ്റ തുന്‍ബര്‍ഗ് തുടങ്ങിയവരുടെ ട്വീറ്റുകള്‍ക്കെതിരെ സച്ചിനടക്കമുള്ളവർ രംഗത്തെത്തിയിരുന്നു.
രാജ്യത്തെ കർഷക സമരം ആഗോള ശ്രദ്ധ ലഭിച്ചതിന് പിന്നാലെ വിവിധ ഭാഗങ്ങളിൽ നിന്നും ഉയരുന്ന എതിർപ്പുകളിൽ വിമർശനവുമായി ബോളിവുഡ് താരം സോനാക്ഷി സിൻഹ. മനുഷ്യാവകാശ ലംഘനങ്ങൾക്കെതിരെയാണ് അന്താരാഷ്ട്ര സമൂഹം ശബ്ദമുയർത്തിയതെന്ന് സൊനാക്ഷി പറയുന്നു. ഇൻസ്റ്റാഗ്രാം സ്റ്റോറിയിലൂടെ ആയിരുന്നു താരത്തിന്റെ വിമർശനം.
മാധ്യമപ്രവർത്തകരെ അപമാനിക്കുന്നു, തടയുന്നു. ഇന്റർനെറ്റ് വിചേഛദിക്കുന്നു, പ്രതിഷേധിക്കുന്നവരെ ഒറ്റപ്പെടുത്തുന്നു, വിദ്വേഷം പ്രചരിപ്പിക്കുന്നു, ഈ പ്രശ്നങ്ങളാണ് അന്താരാഷ്ട്രതലത്തിൽ ചർച്ചയായതെന്നും സോനാക്ഷി സിൻഹ പറഞ്ഞു. ശബ്ദമുയർത്തിയവർ അന്യഗ്രഹ ജീവികളല്ലെന്നും മറിച്ച് മനുഷ്യരുടെ അവകാശങ്ങൾക്കായി സംസാരിക്കുന്ന സഹജീവികളാണെന്നും സൊനാക്ഷി കുറിക്കുന്നു.
കര്‍ഷക സമരത്തെക്കുറിച്ച് പോപ് ഗായിക റിഹാന, സ്വീഡിഷ് പരിസ്ഥിതി പ്രവര്‍ത്തക ഗ്രേറ്റ തുന്‍ബര്‍ഗ് തുടങ്ങിയവരുടെ ട്വീറ്റുകള്‍ക്കെതിരെ സച്ചിനടക്കമുള്ളവർ രംഗത്തെത്തിയിരുന്നു. അക്ഷയ് കുമാര്‍, അജയ് ദേവ്ഗണ്‍, കരണ്‍ ജോഹര്‍, സുനില്‍ ഷെട്ടി, വിരാട് കോഹ്‌ലി അനില്‍ കുംബ്ലെ എന്നിവര്‍ കേന്ദ്രത്തിന് ഐക്യദാര്‍ഢ്യം പ്രകടിപ്പിച്ചിച്ച്‌ എത്തിയിരുന്നു.
