വിവിധ മേഖലകളിൽ നിന്നും നിരവധി പേരാണ് കര്ഷകര്ക്ക് പിന്തുണയുമായി എത്തുന്നത്. ഋതേഷ് ദേശ്മുഖ് ചലച്ചിത്ര പ്രവര്ത്തകരായ ഹന്സല് മേത്ത, അനുഭവ് സിന്ഹ എന്നിവരും കര്ഷകരുടെ പ്രതിഷേധത്തെ പിന്തുണച്ചിരുന്നു.
കർഷക നിയമങ്ങൾക്കെതിരെ സമരം ചെയ്യുന്ന കർഷകർക്ക് പിന്തുണയുമായി ബോളിവുഡ് താരം സോനം കപൂറുംഭർത്താവും വ്യവസായിയുമായ ആനന്ദ് അഹൂജയും. സമരവേദിയിൽ നിന്നുള്ള ചിത്രങ്ങൾ പോസ്റ്റ് ചെയ്തു കൊണ്ടായിരുന്നു താരത്തിന്റെ പ്രതികരണം.
ഡാനിയല് വെബ്സ്റ്ററിന്റെ ഉദ്ധരണിയും ചേര്ത്തായിരുന്നു സോനം കപൂറിന്റെ പ്രതികരണം. ‘കൃഷി ആരംഭിക്കുമ്പോള് മറ്റ് കലകള് അതിനെ പിന്തുടരുന്നു. അതിനാല് കര്ഷകരാണ് മനുഷ്യ നാഗരികതയുടെ സ്ഥാപകര്. ‘ എന്ന് സോനം ഇന്സ്റ്റഗ്രാമില് കുറിച്ചു.
വിവിധ മേഖലകളിൽ നിന്നും നിരവധി പേരാണ് കര്ഷകര്ക്ക് പിന്തുണയുമായി എത്തുന്നത്. ഋതേഷ് ദേശ്മുഖ് ചലച്ചിത്ര പ്രവര്ത്തകരായ ഹന്സല് മേത്ത, അനുഭവ് സിന്ഹ എന്നിവരും കര്ഷകരുടെ പ്രതിഷേധത്തെ പിന്തുണച്ചിരുന്നു. നേരത്തെ ഡിസംബറിലെ കൊടും തണുപ്പില് പ്രതിഷേധിക്കുന്ന കര്ഷകര്ക്ക് കമ്പിളി പുതപ്പ് വാങ്ങാന് ഒരുകോടി രൂപ ഗായകനും പഞ്ചാബി നടനുമായ ദില്ജിത് ദൊസാന്ഝ് സംഭാവന നല്കിയിരുന്നു.
നാളെ ഭാരത് ബന്ദിന് ആഹ്വാനം ചെയ്തിരിക്കുകയാണ് കർഷക സംഘടനകൾ. ബന്ദിന് കോൺഗ്രസ് അടക്കം കൂടുതൽ പ്രതിപക്ഷ പാർട്ടികൾ പിന്തുണ പ്രഖ്യാപിച്ചിട്ടുണ്ട്. അതേസമയം, സമരം അവസാനിക്കാത്തതിനാൽ പ്രത്യേക പാർലമെന്റ് സമ്മേളനം വിളിച്ചുച്ചേർക്കാൻ കേന്ദ്രസർക്കാർ ആലോചിക്കുന്നു. സമ്മേളനം ചേർന്നാലും ഇല്ലെങ്കിലും നിയമങ്ങൾ പിൻവലിക്കാതെ സമരം അവസാനിപ്പിക്കില്ലെന്ന നിലപാടിൽ കർഷക സംഘടനകൾ ഉറച്ചുനിൽക്കുകയാണ്.
