സംയുക്തയ്‍ക്കൊപ്പം ഇനി അഭിനയിക്കാൻ പാടായിരിക്കും, കാരണം തുറന്നുപറഞ്ഞ് ബിജു മേനോൻ
വിവാഹശേഷം സിനിമയില് നിന്ന് ഇടവേളയെടുത്തിരിക്കുകയാണ് സംയുക്ത വര്മ്മ. പക്ഷേ ബിജു മേനോനുമായുള്ള അഭിമുഖത്തില് എല്ലാവരും ചോദിക്കുന്ന ചോദ്യം സംയുക്ത വര്മ്മയുടെ തിരിച്ചുവരവിനെ കുറിച്ചാണ്. ആ ചോദ്യത്തിന് റേഡിയോ മാംഗോയ്ക്ക് നല്കിയ അഭിമുഖത്തില് മറുപടി പറയുകയാണ് ബിജു മേനോൻ.
ബിജുവിന്റെ കൂടെ സിനിമ ഒരുമിച്ച് അഭിനയിക്കണമെന്ന് സംയുക്ത പറയാറുണ്ട്. എന്നാൽ ഞങ്ങൾ ഒരുമിച്ച് അഭിനയിക്കാന് വലിയ പാടായിരിക്കും. മുഖത്തോട് മുഖം നോക്കിയുള്ള ഡയലോഗുകൾ പറയാനുണ്ടെങ്കിൽ ചിരി വരും. വിവാഹം നിശ്ചയിച്ച സമയത്ത് ചെയ്ത സിനിമയാണ് മേഘമൽഹാർ. വളരെ സീരിയസ് ഡയലോഗുകൾ ആണ് സിനിമയിലേത്. അതിനിടയ്ക്ക് സംസാരിക്കുമ്പോഴും ഞങ്ങൾക്ക് ചിരിവരുമായിരുന്നു. ഇനി ഒരുമിച്ച് അഭിനയിക്കാനും ആ ഒരു ബുദ്ധിമുട്ടാണ്ടാകും.’–ബിജു മേനോൻ പറഞ്ഞു. കലാകാരൻ എന്ന നിലിയില് ആദ്യമായി ലഭിച്ച പ്രതിഫലം എഴുപത് രൂപയാണെന്നും ബിജു മേനോൻ പറയുന്നു. ഓൾ ഇന്ത്യ റേഡിയോയിൽ ഡ്രാമ ആർടിസ്റ്റ് ആയി ജോലി ചെയ്തതിന് ലഭിച്ചതാണ് എഴുപത് രൂപ. അച്ഛന്റെ ശബ്ദമാണ് തനിക്ക് ലഭിച്ചിരിക്കുന്നതെന്നും ബിജു മേനോൻ പറയുന്നു.
