ടിക്കറ്റ് വില്പനയില് കോളിവുഡിലെ ഒരു ചിത്രം അമരന് മുന്നിലുണ്ട്.
തമിഴകത്തിന്റെ ശിവകാര്ത്തികേയൻ നായകനായി വന്ന ചിത്രമാണ് അമരൻ. ശിവകാര്ത്തികേയന്റെ അമരൻ ആഗോളതലത്തില് 100 കോടി ക്ലബിലെത്തിയിരിക്കുന്നു. അമരൻ വൻ കുതിപ്പാണ് നടത്തുന്നത്. ശിവകാര്ത്തികേയന്റെ അമരന്റെതായി ഞായറാഴ്ച 267000 ടിക്കറ്റുകളാണ് വിറ്റഴിച്ചത്.
തമിഴകത്ത് 2024ല് എത്തിയവയില് നാലാം ദിവസത്തെ കണക്കുകളില് ശിവകാര്ത്തികേയന്റെ അമരൻ ആണ് ടിക്കറ്റ് വില്പനയില് രണ്ടാമത്. ബുക്ക് മൈ ഷോയിലെ കണക്കുകളാണിത്. ദ ഗോട്ട് 278000 ടിക്കറ്റുകളുമായി സിനിമകളില് ഒന്നാമത് ആണ് എന്നാണ് റിപ്പോര്ട്ട്. എന്നാല് രജനികാന്തിന്റെ വേട്ടയ്യന്റെ 217000 ടിക്കറ്റുകള് വിറ്റപ്പോള് ധനുഷിന്റെ രായൻ 208000 ടിക്കറ്റുകള് വിറ്റ് നാലാമതുണ്ട്.
മേജറിന്റെ ജീവിത കഥ ഒരു സിനിമയായി എത്തുമ്പോള് അതിലുണ്ടാകുന്നതിന്റെ ആവേശത്തിലുമായിരുന്നു തമിഴ് താരം ശിവകാര്ത്തികേയൻ. സിനിമ സ്വീകരിക്കാൻ കാരണം യൂണിഫോമായിരുന്നുവെന്ന് പറയുന്ന ശിവകാര്ത്തികേയൻ മേജര് മുകുന്ദ് വരദരാജിന് തന്റെ അച്ഛനുമായി സാമ്യമുണ്ടെന്നും ചൂണ്ടിക്കാട്ടുന്നു. കളറേ മാറുന്നുള്ളൂ, ഉത്തരവാദിത്തം ഒന്നാണ്. ഞാൻ ആ സിനിമ സ്വീകരിക്കുമ്പോള് വരുന്ന വെല്ലുവിളികള് ബോധ്യമുണ്ടായിരുന്നു. വേറിട്ട ഒരു വ്യക്തിയായി മാറാൻ തന്റെ ഊര്ജ്ജം എല്ലാം സംഭരിക്കേണ്ട ആവശ്യമുണ്ട്. യൂണിഫോം ധരിക്കാൻ താൻ സ്വയം തന്നെ പരിശീലിച്ചു. യഥാര്ഥ ഒരു വ്യക്തിയുടെ കഥ ആയതിനാല് സിനിമ സുഹൃത്തുക്കളും അടുപ്പമുള്ളവരും കാണും. പക്ഷേ യൂണിഫോം താൻ ധരിച്ചപ്പോള് ഒരു ഹീറോയായി അനുഭവപ്പെട്ടു. മുകുന്ദായി ഞാൻ ചിത്രത്തില് വേഷമിട്ടപ്പോള് തന്നെ യഥാര്ഥ ആര്മിക്കാര് അഭിനന്ദിച്ചു എന്നും പറയുന്നു ശിവകാര്ത്തികേയൻ.
നിലവില് തമിഴ് സിനിമയില് ശ്രദ്ധയാകര്ഷിക്കുന്ന താരമായ ശിവകാര്ത്തികേയന്റെ അച്ഛൻ പൊലീസ് ഓഫീസറാണ്. സംവിധാനം രാജ്കുമാര് പെരിയസ്വാമി നിര്വഹിക്കുന്ന ചിത്രം അമരനില് ഭുവൻ അറോറ, രാഹുല് ബോസ് തുടങ്ങിയവര്ക്കൊപ്പം ശ്രീകുമാര്, വികാസ് ബംഗര് എന്നീ താരങ്ങളും പ്രധാന കഥാപാത്രങ്ങളായുണ്ട്. സായ് പല്ലവിയാണ് ശിവകാര്ത്തികേയൻ നായകനാകുന്ന ചിത്രത്തില് നായികയായി എത്തുന്നത്. കശ്മീരിലടക്കം ചിത്രികരിച്ച അമരൻ എന്ന സിനിമയുടെ നിര്മാണം കമല്ഹാസന്റെ രാജ് കമലിന്റെ ബാനറില് ആണ്.
Read More: സിങ്കം എഗെയ്ൻ ഞായറാഴ്ച നേട്ടമുണ്ടാക്കിയോ?, കളക്ഷൻ കണക്കുകള് പുറത്ത്
