ട്വീറ്ററില‍ാണ് വീഡിയോ വൈറലായിരിക്കുന്നത്
ദില്ലി: അങ്ങ് ചൈനയിൽ വരെ ബച്ചന് ആരാധികമാരുണ്ടെന്ന് തെളിയിക്കുകയാണ് ട്വിറ്ററിൽ വൈറലായിക്കൊണ്ടിരിക്കുന്ന ചൈനീസ് യുവതിയുടെ ഡാൻസ്. അമിതാഭ് ബച്ചൻ അഭിനയിച്ച ധൂം എന്ന ചിത്രത്തിലെ 'ധൂം ബരാബർ' എന്ന ഗാനത്തിനാണ് ചൈനീസ് രീതിയിൽ യുവതി ചുവട് വയ്ക്കുന്നത്. അമിതാഭ് ബച്ചനെയും അഭിഷേക് ബച്ചനെയും വീഡിയോയിൽ ടാഗ് ചെയ്തിട്ടുണ്ട്. ആ യുവതി ആരാണെന്ന് കണ്ടുപിടിക്കാനുള്ള തിരക്കിലാണ് ട്വിറ്റർ ലോകം. പച്ച നിറമുള്ള പരമ്പരാഗത വസ്ത്രം ധരിച്ചാണ് യുവതി ഡാൻസ് ചെയ്യുന്നത്. അമേസിംഗ് എന്നാണ് ബച്ചൻ ഈ വീഡിയോയ്ക്ക് മറുപടി ട്വീറ്റ് ചെയ്തിരിക്കുന്നത്. വീഡിയോ പോസ്റ്റ് ചെയ്ത് മണിക്കൂറുകൾക്കുള്ളിൽ തന്നെ ബിഗ് ബി മറുപടി ട്വീറ്റും നൽകിയിരിക്കുന്നു.
Scroll to load tweet…
