വിക്കി കൗശല് നായക വേഷത്തിലെത്തുന്ന ചിത്രത്തില് യാമി ഗൗതമാണ് നായികാവേഷത്തിലെത്തുന്നത്. മോദിയുടെ ആത്മകഥയിലെ നായകന് പരേഷ് റാവലും കേന്ദ്രകഥാപാത്രമായെത്തുന്നുണ്ട്. ആര്എസ്വിപിയുടെ ബാനറില് റോണി സ്ക്രൂവാലയാണ് നിര്മ്മാണം
മുംബൈ: പാക്കിസ്ഥാന് അതിര്ത്തി പ്രദേശത്ത് ഇന്ത്യന് ആര്മി നടത്തിയ മിന്നലാക്രമണം വെള്ളിത്തിരയിലെത്തുന്നു. 2016 സെപ്റ്റംബര് 29 ന് നിയന്ത്രണരേഖയില് ഇന്ത്യന് സൈന്യം നടത്തിയ സര്ജിക്കല് സ്ട്രൈക്ക് വെള്ളിത്തിരയിലെത്തിക്കുന്നത് ആദിത്യ ധര് ആണ്. ഇന്ത്യന് സൈന്യത്തിന്റെ അഭിമാന നീക്കം നടന്ന് രണ്ട് വര്ഷം പിന്നിടുമ്പോഴാണ് യുആര്ഐ എന്ന പേരില് സിനിമ എത്തുന്നത്.
വിക്കി കൗശല് നായക വേഷത്തിലെത്തുന്ന ചിത്രത്തില് യാമി ഗൗതമാണ് നായികാവേഷത്തിലെത്തുന്നത്. മോദിയുടെ ആത്മകഥയിലെ നായകന് പരേഷ് റാവലും കേന്ദ്രകഥാപാത്രമായെത്തുന്നുണ്ട്. ആര്എസ്വിപിയുടെ ബാനറില് റോണി സ്ക്രൂവാലയാണ് നിര്മ്മാണം.
കഴിഞ്ഞ ദിവസം പുറത്തിറങ്ങിയ ചിത്രത്തിന്റെ ടീസര് വലിയ തോതില് ശ്രദ്ധയാകര്ഷിച്ചിട്ടുണ്ട്. അടുത്ത റിപ്പബ്ലിക് ദിനത്തിന് മുമ്പ് ചിത്രം തീയറ്ററുകളിലെത്തുമെന്നാണ് വ്യക്തമാകുന്നത്.
