'അമ്മയുടെ' ജന്മദിനത്തില്‍ 'മകളായ' മകന്‍റെ മരണവാര്‍ത്ത
ചെന്നൈ: ശ്രീദേവിയും ജയലളിതയും തമ്മില്‍ നല്ല ബന്ധമായിരുന്നു. ജയലളിതയുടെ ജന്മദിനത്തിലാണ് അപ്രതീക്ഷിതമായി ശ്രീദേവി ദുബൈയില്‍ വച്ച് ഈ ലോകത്തോട് വിടവാങ്ങിയത് എന്ന അപൂര്‍വ്വതയാണ് സിനിമ ലോകം ഒര്‍ക്കുന്നത്. ഇന്നലെ ഫെബ്രുവരി 24ന് ജയലളിതയുടെ 70-മത് ജന്മവാര്‍ഷികമായിരുന്നു.
ജയലളിതയുടെ മരണ സമയത്ത് സോഷ്യല്‍ മീഡിയയില്‍ ശ്രീദേവി എഴുതിയത് ഇങ്ങനെ. 'കണ്ടതിലേറ്റവും മിടുക്കിയും, സംസ്‌കാര സമ്പന്നയും, സ്‌നേഹമയിയുമായ സ്ത്രീ. അവരോടൊപ്പം ജോലി ചെയ്യാന്‍ കഴിഞ്ഞത് ഭാഗ്യമായി കരുതുന്നു. അവരുടെ ആരാധകരായ ലക്ഷക്കണക്കിന് ജനങ്ങളോടൊപ്പം ആ അഭാവം, വിയോഗത്തിന്‍റെ നഷ്ടം, ഞാനും അറിയുന്നു' ശ്രീദേവി കുറിച്ചു.
1971ല്‍ റിലീസ് ചെയ്ത 'ആദി പരാശക്തി' എന്ന സിനിമയിലേതാണ് ഈ ചിത്രം. ജയലളിത പാര്‍വ്വതിയായും ശ്രീദേവി മുരുകനായും വേഷമിട്ടിരിക്കുന്നു. കെ.എസ്.ഗോപാലകൃഷ്ണന്‍ സംവിധാനം ചെയ്ത ചിത്രത്തില്‍ ജെമിനി ഗണേശനാണ് നായകന്‍.
