വായില് രുചിയൂറുന്ന ഫിഷ്മോളിയുണ്ടാക്കാന് മരുമകള് പൂര്ണിമയെ പഠിപ്പിക്കുകയാണ് മല്ലിക സുകുമാരന്. പക്ഷേ അമ്മൂമ്മയുടെ പാചക ക്ലാസൊന്നും ഇതിനിടെ പേരക്കുട്ടികള് ശ്രദ്ധിക്കുന്നില്ല. ചെറിയച്ഛന്റെ സിനിമയിലെ ലൈലാകമേ ഗിത്താര് വായിച്ച് പാടുകയാണ്. ഇന്ദ്രജിത്തിന്റെ മക്കളായ പ്രാര്ത്ഥനയും അതേറ്റുപാടുന്ന നക്ഷത്രയുടേയും പാട്ടാണ് ഇപ്പോള് സോഷ്യല് മീഡിയയില് വൈറല്.. വീഡിയോയുടെ അവസാനം ഇന്ദ്രജിത്തിനെയും കാണാം.
മല്ലികാ സുകുമാരന്റെ ഫിഷ്മോളി റെസിപ്പി
രണ്ട് സവാള നീളത്തില് അരിഞ്ഞ കൈ കൊണ്ട് ഉടച്ച് സോഫ്റ്റാക്കി വയ്ക്കുക. നാല് തക്കാളി ജ്യൂസാക്കിയത്. വെളുത്തുള്ളി അരിഞ്ഞത്, എട്ട് പച്ചമുളക് കീറിയത്, മീന് കഴുകി വയ്ക്കുക. തേങ്ങയുടെ രണ്ടാം പാല് രണ്ടര ഗ്ലാസ്, മുക്കാല് കപ്പ് തനി പാല്.
നോണ്സ്റ്റിക് പാനില് എണ്ണ ഒഴിച്ച് സവാള വഴറ്റിയെടുക്കുക. വഴറ്റിയ ശേഷം പച്ചമുളകും കറിവേപ്പിലയും ചേര്ത്ത് ഇളക്കുക. ശേഷം നാല് തക്കാളി എടുത്ത് ജ്യൂസാക്കി എടുക്കുക. സവാളയിലേക്ക് തക്കാളി ജ്യൂസ് ഒഴിക്കുക.
ഈ സമയം വെളുത്തുള്ളിയും ഇഞ്ചിയും ചേര്ക്കുക. സവാള തക്കാളി ജ്യൂസുമായി ചേര്ത്ത് വഴറ്റുക. ഇളം പിങ്ക് പരവമായി വരുമ്പോള് രണ്ടാം പാല് ഒഴിച്ച്, മഞ്ഞള്പ്പൊടിയും ഉപ്പും അല്പ്പം മുളക് പൊടിയും ചേര്ക്കുക. ശേഷം മീനും ചേര്ക്കുക. മീന് തിളച്ച് കുറുകി വരുമ്പോള് ഒന്നാം പാല് ചേര്ത്ത്, ഒരു സ്പൂണ് പച്ചവെളിച്ചണ്ണയും കറിവേപ്പിലയും ചേര്ത്ത് ഫ്ലെയിം ഓഫ് ചെയ്ത് 15 മിനിറ്റ് അടച്ചുവയ്ക്കുക.
