പ്രേക്ഷകര്‍ ആകാംക്ഷയോടെ കാത്തിരിക്കുന്ന ചിത്രമാണ് രജനികാന്തിന്റെ 2.0. ചിത്രം അടുത്ത വര്‍ഷം ജനുവരി 25ന് പ്രദര്‍ശനത്തിന് എത്തും. ലൊകമൊട്ടാകെയായി 10,000 സ്‍ക്രീനുകളിൽ ചിത്രം റിലീസിനെത്തും. തമിഴ്, തെലുങ്ക്, ഹിന്ദി ഭാഷകളിലായിരിക്കും ചിത്രം ആദ്യദിനം തിയേറ്ററുകളിലെത്തുക.

ശങ്കര്‍ ആണ് സിനിമ സംവിധാനം ചെയ്യുന്നത്. എമി ജാക്സണാണ് രജനീകാന്തിന്റെ നായിക. ബോളിവുഡ് താരം അക്ഷയ് കുമാറാണ് വില്ലന്‍. എ ആര്‍ റഹ്‍മാനാണ് ചിത്രത്തിന്റെ സംഗീതസംവിധാനം നിര്‍വഹിക്കുന്നത്. നിരവ് ഛായാഗ്രാഹണം നിര്‍വഹിക്കുന്നു.