തുമാരി സുലു കാട്രിൻ മൊഴിയാകുമ്പോള്, ജ്യോതികയ്ക്ക് ആശംസകളുമായി വിദ്യാ ബാലൻ
വീട്ടമ്മയുടെ കഥ പറഞ്ഞ ചിത്രമായിരുന്നു തുമാരി സുലു. ആത്മവിശ്വാസത്തിന്റെ നെറുകയിലേക്ക് ഒരു സാധാരണ വീട്ടമ്മ എത്തുന്ന കഥയില് നായികയായി വിദ്യാ ബാലനും എത്തിയപ്പോള് സിനിമ സൂപ്പര് ഹിറ്റായി. ഇപ്പോഴിതാ ചിത്രത്തിന്റെ തമിഴ് റീമേക്കും റിലീസിന് ഒരുങ്ങുകയാണ്. നവംബര് 16ന് ആണ് ചിത്രം റിലീസ് ചെയ്യുക. സിനിമ കാണാൻ കാത്തിരിക്കുകയാണെന്ന് പറഞ്ഞ വിദ്യാ ബാലൻ ജ്യോതികയ്ക്ക് എല്ലാ ആശംസകളും നേര്ന്ന് രംഗത്ത് എത്തിയിരിക്കുകയാണ്.
വീട്ടമ്മയുടെ കഥ പറഞ്ഞ ചിത്രമായിരുന്നു തുമാരി സുലു. ആത്മവിശ്വാസത്തിന്റെ നെറുകയിലേക്ക് ഒരു സാധാരണ വീട്ടമ്മ എത്തുന്ന കഥയില് നായികയായി വിദ്യാ ബാലനും എത്തിയപ്പോള് സിനിമ സൂപ്പര് ഹിറ്റായി. ഇപ്പോഴിതാ ചിത്രത്തിന്റെ തമിഴ് റീമേക്കും റിലീസിന് ഒരുങ്ങുകയാണ്. നവംബര് 16ന് ആണ് ചിത്രം റിലീസ് ചെയ്യുക. സിനിമ കാണാൻ കാത്തിരിക്കുകയാണെന്ന് പറഞ്ഞ വിദ്യാ ബാലൻ ജ്യോതികയ്ക്ക് എല്ലാ ആശംസകളും നേര്ന്ന് രംഗത്ത് എത്തിയിരിക്കുകയാണ്.
It's a warm surprise to the entire team of #KaatrinMozhi as the reigning queen @vidya_balan herself lands up wishing the entire team for a huge success. #Jyotika #radhamohan @LakshmiManchu @Dhananjayang @imkaashif @Cinemainmygenes @madhankarky #KaatrinMozhiFromNov16th pic.twitter.com/JRtGJdi9r5
— Johnson PRO (@johnsoncinepro) November 14, 2018
ജ്യോതികയ്ക്ക് ആശംസകളുമായി വീഡിയോ സന്ദേശവുമായി എത്തിയിരിക്കുകയാണ് വിദ്യാ ബാലൻ. തുമാരി സുലുവില് ഞാൻ അഭിനയിച്ച കഥാപാത്രം തമിഴ് റീമേക്കില് ജ്യോതിക അവതരിപ്പിക്കുന്നുവെന്നത് അറിഞ്ഞതില് വലിയ സന്തോഷമാണ്. ജ്യോതികയ്ക്കും രാധാ മോഹനും, നിര്മ്മാതാവ് ജി ധനഞ്ജയനും സിനിമയില് പ്രവര്ത്തിച്ച എല്ലാവര്ക്കും ആസംശകള്. തിയേറ്ററില് സിനിമ കാണാൻ ആകാംക്ഷയോടെ കാത്തിരിക്കുകയാണ് ഞാൻ- വിദ്യ ബാലൻ പറയുന്നു.
കാട്രിൻ മൊഴി വലിയൊരു വെല്ലുവിളിയാണെന്നാണ് നായിക ജ്യോതിക പറയുന്നത്. ഒരു സിനിമയുടെ റീമേക്ക് ചെയ്യുക എന്നത് വലിയ വെല്ലുവിളിയാണ്. വിജയം ആവര്ത്തിക്കുകയെന്ന ഉത്തരവാദിത്തമുണ്ട്. 12 വര്ഷത്തിന് ശേഷമാണ് സംവിധായകൻ രാധാമോഹനൊപ്പം ജോലി ചെയ്യുന്നത്. അദ്ദേഹത്തില് ഒരു മാറ്റവുമില്ല. മൊഴി ഷൂട്ട് ചെയ്ത കാലത്തുള്ളതു പോലെ തന്നെ- ജ്യോതിക പറയുന്നു. കരിയര് മൊത്തം നോക്കിയാല് സൂര്യ, അജിത്, മാധവൻ തുടങ്ങിയവര്ക്കൊപ്പം ജോലി ചെയ്യാൻ എളുപ്പമായിരുന്നു. കാട്രിൻ മൊഴിയില് വിദാര്ഥും അങ്ങനെ നമുക്ക് പിന്തുണ നല്കുന്ന ആളാണ്- ജ്യോതിക പറയുന്നു.
രണ്ടാം വരവില് മികച്ച കഥാപാത്രങ്ങളുമായി അമ്പരിപ്പിക്കുകയാണ് ജ്യോതിക. 36 വയതിനിലെ , മകളീർ മട്ടും തുടങ്ങിയ സിനിമകളിലെ വിജയം കാട്രിൻ മൊഴിയിലും ആവര്ത്തിക്കാനാണ് ജ്യോതികയുടെ ശ്രമം.
റേഡിയോ ജോക്കിയാകാൻ ശ്രമിക്കുന്ന കഥാപാത്രമായി തന്നെയാണ് ജ്യോതികയും സിനിമയില്. വിജയലക്ഷ്മി എന്ന വീട്ടമ്മയായി ജ്യോതിക എത്തുന്നു. ഒട്ടേറെ രസകരമായ മുഹൂര്ത്തങ്ങള് ചിത്രത്തില് ഉണ്ടാകുമെന്നാണ് ട്രെയിലര് സൂചിപ്പിക്കുന്നത്. ജ്യോതികയുടെ തമാശ നമ്പറുകള് തന്നെയാണ് സിനിമയുടെ ആകര്ഷണമെന്ന് ട്രെയിലര് സൂചിപ്പിക്കുന്നു.
ലക്ഷ്മി മഞ്ജു മറ്റൊരു പ്രധാന കഥാപാത്രത്തെ അവതരിപ്പിക്കുന്നു. വിദാര്ഥ് ജ്യോതികയുടെ ഭര്ത്താവിന്റെ വേഷത്തില് എത്തും. ഭാസ്ക്കർ 'കുമരവേൽ, മനോബാല, മോഹൻ റാം, ഉമാ പത്മനാഭൻ എന്നിവരാണ് മറ്റ് പ്രധാന അഭിനേതാക്കൾ. മഹേഷ് മുത്തുസാമി ഛായാഗ്രഹണവും എ എച്ച് കാഷിഫ് സംഗീത സംവിധാനവും നിർവഹിച്ചിരിക്കുന്നു.
സ്ത്രീ കേന്ദ്ര കഥാപാത്രമായിട്ടുള്ള സിനിമയാണെങ്കിലും എല്ലാ വിഭാഗം ആരാധകരെയും ആകർഷിക്കുന്ന രീതിയിലുള്ള, കുടുംബ സമേതം ഉള്ളു തുറന്നു ചിരിച്ച് ആഹ്ളാദപൂർവ്വം ആസ്വദിക്കാവുന്ന ഒരു വിനോദ ചിത്രമായിരിക്കും കാട്രിൻ മൊഴി എന്ന് സംവിധായകൻ രാധാമോഹൻ പറയുന്നു.