ആറ് കിലോയുള്ള ബര്‍ഗര്‍ ഒമ്പത് മിനിറ്റിനകം കഴിക്കാമോ? 10000 രൂപ സമ്മാനം, ബാങ്കോക്ക് കലോറി ചലഞ്ച്
ഇതുവരെ മൂന്ന് പേരാണ് ബർഗർ കഴിക്കാൻ ശ്രമിച്ചത്. ഇതിൽ പാക്കോൺ പോർ‌ചീവാങ്‌കൂൺ എന്നയാൾ ബർഗർ മുഴുവനും തിന്ന് തീർത്തിരുന്നു.
ബാങ്കോങ്ക്: സാവാളയും മയോണൈസും മാംസ്യവും നിറച്ച ഒരു ഭീമൻ ബർഗർ ആണ് ബാങ്കോങ്കിലെ ഇപ്പോഴത്തെ താരം. ആറ് കിലോ തൂക്കമുള്ള ഈ ബർഗർ ഒമ്പത് മിനിറ്റിനുള്ളിൽ കഴിച്ചു തീർക്കുന്നവർക്ക് പത്തായിരം രൂപയാണ് ബർഗറിന്റെ ഉടമയായ കോംഡെക്ക് കോങ്സുവാൻ സമ്മാന തുകയായി പ്രഖ്യാപിച്ചിരിക്കുന്നത്.
23,357 രൂപ വിലവരുന്ന ആറ് കിലോ ക്രിസ് സ്റ്റേക്ക് ബർഗർ കഴിക്കുന്നയാള്‍ക്കാണ് 10,000 രൂപ സമ്മാന തുകയായി ലഭിക്കുക. ഭീമൻ ബർഗർ മുഴുവനും തിന്നാനാകാതെ ആളുകൾ മടങ്ങിയതോടെയാണ് ഇതൊരു ചലഞ്ച് ആയി പ്രഖ്യാപിക്കാമെന്ന് തീരുമാനിച്ചതെന്ന് കോംഡെക്ക് പറയുന്നു.
ഇതുവരെ മൂന്ന് പേരാണ് ബർഗർ കഴിക്കാൻ ശ്രമിച്ചത്. ഇതിൽ പാക്കോൺ പോർ‌ചീവാങ്‌കൂൺ എന്നയാൾ ബർഗർ മുഴുവനും തിന്ന് തീർത്തിരുന്നു. എന്നാൽ, ഒമ്പത് മിനിറ്റിലധികം സമയമെടുത്താണ് അദ്ദേഹം ബർഗർ കഴിച്ചത്. അതിനാൽ അദ്ദേഹത്തെ വിജയിയായി പ്രഖ്യാപിക്കാൻ കഴിഞ്ഞില്ലെന്നും കോംഡെക്ക് കൂട്ടിച്ചേർത്തു.
ബാങ്കോങ്കിലെ ഏറ്റവും വലിയ ബർഗർ തിന്ന് സമ്മാന തുക സ്വന്തമാക്കുന്നതിനായി നിരവധിയാളുകളാണ് ദിവസവും കോംഡെക്കിന്റെ കടയിൽ എത്തുന്നത്. മത്സരത്തിൽ പങ്കെടുത്തവരെല്ലാം പരാജയപ്പെട്ടെങ്കിലും കലോറി ചലഞ്ച് വളരെ ആവേശകരമായി എടുത്തിരിക്കുകയാണ് ബാങ്കോങ്കിലെ ഭക്ഷണപ്രിയർ.
ചിക്കൻ, പന്നി, ബീഫ് എന്നീങ്ങനെ മൂന്ന് തരം ബർഗറുകളാണുള്ളത്. ആറ് കിലോ വരുന്ന ബീഫ് ബർഗറിന് 5,856 രൂപയും പന്നി ഇറച്ചി നിറച്ച ബർഗറിന് 8,200 രൂപയുമാണ് വില.
