ഗോകുലം മുന് സഹപരിശീലകന് കൊവിഡ് ബാധിച്ച് മരിച്ചു
2017-2018ല് ഐ-ലീഗിലെ ഗോകുലത്തിന്റെ ആദ്യ സീസണില് ടീമിന്റെ സഹപരിശീലകനായിരുന്നു അലൗഷ്. നിലവില് ഈജിപ്തിലെ ക്ലബ്ബായ ടാന്റ എസ്സിയുടെ ടെക്നിക്കല് ഡയറക്ടറായി പ്രവര്ത്തിക്കുകയായിരുന്നു.
കോഴിക്കോട്: ഐ-ലീഗ് ക്ലബ്ബായ ഗോകുലം എഫ് സിയുടെ മുന് സഹ പരിശീലകന് മുഹമ്മദ് അലൗഷ്(44) കൊവിഡ് ബാധിച്ച് മരിച്ചു. ഗോകുലം എഫ്സി ട്വിറ്ററിലൂടെയാണ് മരണവാര്ത്ത അറിയിച്ചത്. അലൗഷിന്റെ നിര്യാണത്തില് ക്ലബ്ബ് അഗാധ ദു:ഖം രേഖപ്പെടുത്തി.
2017-2018ല് ഐ-ലീഗിലെ ഗോകുലത്തിന്റെ ആദ്യ സീസണില് ടീമിന്റെ സഹപരിശീലകനായിരുന്നു അലൗഷ്. നിലവില് ഈജിപ്തിലെ ക്ലബ്ബായ ടാന്റ എസ്സിയുടെ ടെക്നിക്കല് ഡയറക്ടറായി പ്രവര്ത്തിക്കുകയായിരുന്നു. അലൗഷിന്റെ മാതാവും നേരത്തെ കൊവിഡ് ബാധിച്ച് മരിച്ചിരുന്നു.
ആദ്യ ഐ-ലീഗ് സീസണില് ഗോകുലം ഏഴാമതായാണ് ഫിനിഷ് ചെയ്തതെങ്കിലും വമ്പന് ക്ലബ്ബുകളായ ഈസ്റ്റ് ബംഗാള്, മോഹന് ബഗാന്, മിനര്വ പഞ്ചാബ് ടീമുകളെ തോല്പ്പിച്ച് കരുത്തുകാട്ടിയിരുന്നു. ഈജിപ്ത്, ഇറാഖ്, ലിബിയ, അള്ജീരിയ രാജ്യങ്ങളിലെ ക്ലബ്ബുകളിലും അലൗഷ് പരിശീലകനായിരുന്നിട്ടുണ്ട്.