Asianet News MalayalamAsianet News Malayalam

റെഡ്മീ 8എ ഇന്ത്യയില്‍ അവതരിപ്പിച്ചു; വിലയും, പ്രത്യേകതകളും

ഒക്ടാകോര്‍ പ്രോസസ്സറോടെയാണ് ഈ ഫോണ്‍ എത്തുന്നത്. സ്നാപ് ഡ്രാഗണ്‍ 439 ആണ് ഇതില്‍ ഉപയോഗിച്ചിരിക്കുന്ന പ്രോസസ്സര്‍. 3ജിബിയാണ് റാം ശേഷി. 32 ജിബിയാണ് ഇന്‍റേണല്‍ മെമ്മറി ശേഷി.
 

Redmi 8A launched with Snapdragon 439 5000 mAh battery and price
Author
India, First Published Sep 25, 2019, 4:56 PM IST
  • Facebook
  • Twitter
  • Whatsapp

ദില്ലി: ഷവോമിയുടെ റെഡ്മീ 8എ ഇന്ത്യയില്‍ അവതരിപ്പിച്ചു. ഷവോമിയുടെ  ഫയര്‍ ഗാഡ്ജറ്റുകളില്‍ ഒന്നായ ഷവോമി റെഡ്മീ 7എയുടെ പിന്‍ഗാമിയാണ് 8എ. പ്രത്യേക വെബ് ഈവന്‍റിലൂടെയാണ് ഈ ഫോണ്‍ ഷവോമി പുറത്തിറക്കിയത്. ടൈപ്പ് സി ചാര്‍ജിംഗ് സംവിധാനത്തോടെ എത്തുന്ന ഏറ്റവും വിലകുറഞ്ഞ ഫോണ്‍ ആയിരിക്കും ഷവോമി 8എ. ഫാസ്റ്റ് ചാര്‍ജിംഗ് സംവിധാനത്തോടെ എത്തുന്ന റെഡ്മീ 8എയുടെ ബാറ്ററി ശേഷി 5000 എംഎഎച്ചാണ്.

6.21 ഇഞ്ച് എച്ച്ഡി സ്ക്രീനാണ് ഈ ഫോണിനുള്ളത്. ടിഎഫ്ടി ഡിസ്പ്ലേയാണ് 8എയ്ക്ക് ഉള്ളത്. ഇതേ സമയം സ്ക്രീന്‍ റെസല്യൂഷന്‍ 720x1520 പിക്സലാണ്.മുന്‍ഗാമിയായിരുന്നു റെഡ്മീ 7എയ്ക്ക് 5.45 ഇഞ്ച് മാത്രമായിരുന്നു സ്ക്രീന്‍ വലിപ്പം. ഗോറില്ല ഗ്ലാസ് 5 സംരക്ഷണം സ്ക്രീനിന് ലഭിക്കും. 

ഒക്ടാകോര്‍ പ്രോസസ്സറോടെയാണ് ഈ ഫോണ്‍ എത്തുന്നത്. സ്നാപ് ഡ്രാഗണ്‍ 439 ആണ് ഇതില്‍ ഉപയോഗിച്ചിരിക്കുന്ന പ്രോസസ്സര്‍. 3ജിബിയാണ് റാം ശേഷി. 32 ജിബിയാണ് ഇന്‍റേണല്‍ മെമ്മറി ശേഷി.

മിഡ് നൈറ്റ് ബ്ലാക്ക്, ഓഷ്യന്‍ ബ്ലൂ, സണ്‍സൈറ്റ് റെഡ് എന്നീ കളറുകളിലാണ് ഈ ഫോണ്‍ എത്തുന്നത്. 12 എംപി പിന്‍ക്യാമറയാണ് ഈ ഫോണിനുള്ളത്. ഇതിന് കരുത്തായി  സോണിയുടെ ഐഎംഎക്സ് 363 സെന്‍സര്‍ ഉണ്ട്. 8എംപി എഐ സെല്‍ഫി ക്യാമറ 8എയ്ക്കുണ്ട്. എഐ ഫേസ് അണ്‍ലോക്കും ഫോണിനുണ്ട്. വയര്‍ലെസ് എഫ്എം റേഡിയോ ഈ ഫോണിന്‍റെ ഒരു പ്രധാന പ്രത്യേകതകളില്‍ ഒന്നാണ്.

റെഡ്മീ 8എയുടെ വിലയിലേക്ക് വന്നാല്‍ 2ജിബി+32ജിബി ഇന്‍റേണല്‍ മെമ്മറി ഫോണിന് 6,499 രൂപയാണ് വില. റെഡ്മീ 8എ 3ജിബി റാം+32ജിബി ഇന്‍റേണല്‍ മെമ്മറി ഫോണിന് വില 6,999 രൂപയാണ് വില. സെപ്തംബര്‍ 29ന് ഫ്ലിപ്പ്കാര്‍ട്ട് ബിഗ് ബില്ല്യന്‍ ഡേ സെയിലിന്‍റെ ഭാഗമായി ഈ ഫോണ്‍ ലഭിക്കും. എംഐ.കോമിലും ഈ ഫോണ്‍ വാങ്ങാം.

Follow Us:
Download App:
  • android
  • ios