'മൈഗ്രന്‍റ് മദര്‍' അനേകമനേകം ചര്‍ച്ചകള്‍ക്ക് വഴിവെച്ച ആ ചിത്രത്തിലെ അമ്മ ആരായിരുന്നു?

First Published May 18, 2020, 2:58 PM IST

അമേരിക്കയുടെ ചരിത്രത്തിലെ തന്നെ ഏറ്റവും പ്രധാനപ്പെട്ട ചിത്രങ്ങളിലൊന്നാണ് 'മൈഗ്രന്‍റ് മദര്‍'. പഴകി കീറിപ്പറിഞ്ഞ വസ്ത്രം ധരിച്ച ഒരു സ്ത്രീയും അവരുടെ മക്കളുമാണ് ചിത്രത്തില്‍. രണ്ട് കുട്ടികളും അവരുടെ മുഖം അമ്മയുടെ ചുമലില്‍ ചായ്ച്ച് വച്ചിരിക്കുകയാണ്. ഒരു നവജാതശിശു ആ അമ്മയുടെ കയ്യിലുണ്ട്. സ്ത്രീ ഒരു കൈ തന്‍റെ മുഖത്തോട് ചേര്‍ത്തുവെച്ചിട്ടുണ്ട്. അവരുടെ കണ്ണുകള്‍ വിദൂരതയിലേക്കുറപ്പിച്ചിരുന്നു. അതില്‍ ഭാവിയെക്കുറിച്ചുള്ള എല്ലാ അനിശ്ചിതത്വവും നിസംഗതയും പ്രകടമാണ്. സാന്‍ ഫ്രാന്‍സിസ്കോയിലെ ദിനപത്രത്തില്‍ 1936 മാര്‍ച്ചിലാണ് ആദ്യമായി ഈ ചിത്രം ആദ്യമായി പ്രത്യക്ഷപ്പെടുന്നത്, മൈഗ്രന്‍റ് മദര്‍ (Migrant Mother) എന്ന പേരില്‍. പിന്നീടങ്ങോട്ട് പലയിടത്തും ആ ചിത്രം പ്രത്യക്ഷപ്പെട്ടു. ആ ചിത്രത്തിലെ സ്ത്രീയെ കുറിച്ചാണിത്.