പ്രമേഹമുള്ള സ്ത്രീകളിൽ വജൈനൽ യീസ്റ്റ് അണുബാധ ഉണ്ടായാൽ ശ്രദ്ധിക്കേണ്ടത്...
ശരീരത്തിലെ ചൂടുള്ളതും ഈർപ്പമുള്ളതുമായ സ്ഥലങ്ങളിൽ പ്രത്യേകിച്ച് യോനിയിൽ, പ്രമേഹം അല്ലെങ്കിൽ ഉയർന്നതോ അനിയന്ത്രിതമോ ആയ രക്തത്തിലെ ഗ്ലൂക്കോസിന്റെ അളവ് കാരണം യീസ്റ്റ് കൂടുതലായി വളരുന്നു. ചികിത്സിച്ചില്ലെങ്കിൽ ഇത് ഗുരുതരമായി മാറിയേക്കാം.
പ്രമേഹം പിടിപെടുന്നവരുടെ എണ്ണം ദിനംപ്രതി കൂടി വരികയാണ്. പ്രമേഹം ലോകമെമ്പാടുമുള്ള 642 ദശലക്ഷം ആളുകളെ ബാധിക്കുമെന്ന് കണക്കാക്കപ്പെടുന്നു. ഇത് 2040 ഓടെ അതിന്റെ വ്യാപനം 10.4% ആക്കി മാറ്റുന്നു. ഇവിടെ ഡയബറ്റിസ് മെലിറ്റസ് സ്ത്രീകളിൽ യീസ്റ്റ് അണുബാധ ഉൾപ്പെടെ വിവിധ തരത്തിലുള്ള ആരോഗ്യപ്രശ്നങ്ങൾ ഉണ്ടാക്കുന്നതായി അറിയപ്പെടുന്നു.
ശരീരത്തിലെ ചൂടുള്ളതും ഈർപ്പമുള്ളതുമായ സ്ഥലങ്ങളിൽ പ്രത്യേകിച്ച് യോനിയിൽ, പ്രമേഹം അല്ലെങ്കിൽ ഉയർന്നതോ അനിയന്ത്രിതമോ ആയ രക്തത്തിലെ ഗ്ലൂക്കോസിന്റെ അളവ് കാരണം യീസ്റ്റ് കൂടുതലായി വളരുന്നു. ചികിത്സിച്ചില്ലെങ്കിൽ ഇത് ഗുരുതരമായി മാറിയേക്കാം.
' ശരീരത്തിൽ കുമിളിന്റെ അമിതവളർച്ചയായി നിർവചിക്കപ്പെടുന്ന യോനിയിൽ യീസ്റ്റ് അണുബാധ സ്ത്രീകൾക്കിടയിൽ അപൂർവമല്ല. മാത്രമല്ല അതിന്റെ സ്വഭാവ സവിശേഷതയുമാണ്. ചൊറിച്ചിൽ, കട്ടിയുള്ള യോനി ഡിസ്ചാർജ് തുടങ്ങിയവയാണ് ലക്ഷണങ്ങൾ. യോനിയിലും പരിസരത്തും വേദനയോ ചുവപ്പോ, വേദനാജനകമായ ലൈംഗികബന്ധം, മൂത്രമൊഴിക്കുമ്പോൾ വേദന എന്നിവയാണ് മറ്റ് ശ്രദ്ധേയമായ ലക്ഷണങ്ങൾ. രോഗപ്രതിരോധ ശേഷി ദുർബലമാകുമ്പോഴോ യോനിയിൽ മാറ്റങ്ങൾ ഉണ്ടാകുമ്പോഴോ ഇത്തരത്തിലുള്ള അണുബാധ ഉണ്ടാകാം...'- ബ്ലംഗളൂരുവിലെ കിൻഡർ വിമൻസ് ഹോസ്പിറ്റലിലെയും ഫെർട്ടിലിറ്റി സെന്ററിലെയും കൺസൾട്ടന്റ് ഒബ്‌സ്റ്റട്രീഷ്യനും ഗൈനക്കോളജിസ്റ്റുമായ ഡോ. അപർണ പാട്ടീൽ പറഞ്ഞു.
യീസ്റ്റ് സാധാരണയായി പഞ്ചസാരയിൽ നിലനിൽക്കുന്നതിനാൽ ഉയർന്ന രക്തത്തിലെ പഞ്ചസാരയുടെ അളവ് ഉള്ള സ്ത്രീകൾ അത്തരം ഫംഗസ് അണുബാധയ്ക്ക് കൂടുതൽ സാധ്യതയുള്ളതായി കണ്ടെത്തി. കാരണം ഇത് ബാക്ടീരിയയുടെയും യീസ്റ്റിന്റെയും യോനിയിലെ സന്തുലിതാവസ്ഥയെ തടസ്സപ്പെടുത്തുന്നു. ശരീരം, അധിക പഞ്ചസാര പുറത്തുവിടാൻ, യോനി സ്രവങ്ങൾ ഉൾപ്പെടെയുള്ള ശാരീരിക ദ്രാവകങ്ങൾ ഉപയോഗിക്കുന്നു. അതിൽ യീസ്റ്റ് വളരുകയും പെരുകുകയും ചെയ്യും. ഗർഭധാരണം, ഗർഭനിരോധന മാർഗ്ഗങ്ങൾ, ആൻറിബയോട്ടിക്കുകൾ, സുരക്ഷിതമല്ലാത്ത ലൈംഗിക പ്രവർത്തനങ്ങൾ, നനഞ്ഞതോ വളരെ ഇറുകിയതോ ആയ അടിവസ്ത്രങ്ങൾ ധരിക്കൽ അല്ലെങ്കിൽ ഹോർമോൺ വ്യതിയാനങ്ങൾ എന്നിവയാണ് യോനിയിൽ യീസ്റ്റ് അണുബാധയുടെ വികാസത്തിന് കാരണമായേക്കാവുന്ന മറ്റ് ചില ഘടകങ്ങൾ. ചില സന്ദർഭങ്ങളിൽ, സോഡിയം ഗ്ലൂക്കോസ് കോ-ട്രാൻസ്പോർട്ടർ 2 (SGLT-2) ഇൻഹിബിറ്ററുകൾ എന്നറിയപ്പെടുന്ന ഒരു വിഭാഗം പ്രമേഹ മരുന്നുകൾ പോലും യീസ്റ്റ് അണുബാധയ്ക്ക് കാരണമാകും.
ലക്ഷണങ്ങൾ കണ്ട് തുടങ്ങുമ്പോൾ യോനിയിലെ യീസ്റ്റ് അണുബാധ സ്വയം രോഗനിർണയം നടത്താം. ഇത് ചിലപ്പോൾ ലൈംഗികമായി പകരുന്ന രോഗത്തിന്റെ (എസ്ടിഐ) അല്ലെങ്കിൽ എക്സിമയുടെ ലക്ഷണങ്ങളോട് സാമ്യമുള്ളതായി കാണപ്പെടാം. ആർത്തവചക്രം ആരംഭിക്കുന്നതോടെ ഇത് ഇല്ലാതായേക്കാം. എന്നിരുന്നാലും, ലബോറട്ടറിയിൽ യീസ്റ്റിന്റെ സാന്നിധ്യം പരിശോധിക്കുന്നതിനും അത് സുഖപ്പെടുത്തുന്നതിന് ശരിയായ ചികിത്സാ പദ്ധതി ആവിഷ്കരിക്കുന്നതിനും ഒരു ഡോക്ടറെ സമീപിച്ച് യോനിയിൽ നിന്നുള്ള ഡിസ്ചാർജ് പരിശോധിക്കുന്നത് നല്ലതാണെന്ന് ഡോ. അപർണ പാട്ടീൽ പറഞ്ഞു. തീവ്രതയും ലക്ഷണങ്ങളും അനുസരിച്ച് ഇത്തരത്തിലുള്ള യീസ്റ്റ് അണുബാധയ്ക്ക് ആന്റി ഫംഗൽ മരുന്നുകൾ അല്ലെങ്കിൽ ക്രീം ഉപയോഗിച്ച് ചികിത്സിക്കാം. യീസ്റ്റ് അണുബാധയുള്ള പ്രമേഹരോഗികൾ എന്തൊക്കെ കാര്യങ്ങൾ ശ്രദ്ധിക്കണമെന്ന് ഡോ. അപർണ പാട്ടീൽ പറയുന്നു.
രക്തത്തിലെ പഞ്ചസാരയുടെ അളവ് നിരീക്ഷിക്കുക.
കുറഞ്ഞ കാർബോഹൈഡ്രേറ്റുകളും തൈര് പോലുള്ള പ്രോബയോട്ടിക്‌സ് കൂടുതലും കഴിക്കുന്ന ആരോഗ്യകരമായ ഭക്ഷണക്രമം.
ധാരാളം വെള്ളം കുടിക്കുക.
പതിവായി വ്യായാമം ചെയ്യുക.
ഡോക്ടർ നിർദ്ദേശിച്ച പ്രമേഹ മരുന്നുകൾ കഴിക്കുക
കോട്ടൺ അടിവസ്ത്രങ്ങൾ ധരിക്കുക.
കൃത്യമായ ഇടവേളകളിൽ സാനിറ്ററി പാഡുകൾ മാറ്റുക
യോനിയിൽ പെർഫ്യൂമുകൾ ഉപയോഗിക്കുന്നത് ഒഴിവാക്കുക.
പ്രമേഹ രോഗികള്‍ക്ക് പേടിക്കാതെ കഴിക്കാം ഈ എട്ട് പഴങ്ങള്‍...
