മുഖ്യമന്ത്രിയായി സുഖ് ജിന്തർ സിംഗ് രൺധാവയെ പരിഗണിച്ചെങ്കിലും സിദ്ദുവിൻ്റെ എതിർപ്പിനെ തുടർന്ന് ഹൈക്കമാൻഡ് തീരുമാനം മാറ്റുകയായിരുന്നു. നിരാശയില്ലെന്ന് സുഖ് ജിന്തർ സിംഗ് രൺധാവ പ്രതികരിച്ചു. ചന്നിക്ക് എല്ലാ പിന്തുണയും നൽകുമെന്നും അദ്ദേഹം പറഞ്ഞു.
ദില്ലി: പഞ്ചാബിൽ കോൺഗ്രസിനുള്ളിൽ പുതിയ ട്വിസ്റ്റ്. ചരൺജിത് സിംഗ് ചന്നിയെ മുഖ്യമന്ത്രിയാക്കണമെന്നാവശ്യപ്പെട്ട് നവ്ജ്യോത് സിംഗ് സിദ്ദു രംഗത്തെത്തി. തുടർന്ന് ചന്നിയെ നിയമസഭ കക്ഷി നേതാവായി തെരഞ്ഞെടുത്തെന്ന് ഹരീഷ് റാവത്ത് അറിയിച്ചു. ജാതി സമവാക്യം പാലിക്കാന് രണ്ട് ഉപമുഖ്യമന്ത്രിമാരെയും നിയോഗിക്കും.
മുഖ്യമന്ത്രിയായി സുഖ് ജിന്തർ സിംഗ് രൺധാവയെ പരിഗണിച്ചെങ്കിലും സിദ്ദുവിൻ്റെ എതിർപ്പിനെ തുടർന്ന് ഹൈക്കമാൻഡ് തീരുമാനം മാറ്റുകയായിരുന്നു. എല്എമാരുടെ പിന്തുണയും ഹൈക്കമാന്ഡ് താല്പര്യവും മുന്മന്ത്രി സുഖ് ജിന്തര് സിംഗിന് അനുകൂലമായിരുന്നെങ്കിലും പ്രഖ്യാപനത്തിന് തൊട്ടുമുന്പുള്ള സിദ്ദുവിന്റെ ഇടപെടലാണ് കാര്യങ്ങള് മാറ്റി മറിച്ചത്. ഗവര്ണ്ണറെ കാണാന് സുഖ് ജിന്തര് സമയം തേടിയെന്ന റിപ്പോര്ട്ടുകള് ഈ സമയം പുറത്ത് വന്നിരുന്നു. എന്നാല് ചരണ് ജിത്ത് സിംഗ് ചന്നി മുഖ്യമന്ത്രിയാകണമെന്ന വികാരം ശക്തമാണെന്ന് സിദ്ദു ഹൈക്കമാന്ഡിനെ അറിയിച്ചു. ദളിത് സിഖ് വിഭാഗത്തില് നിന്നുള്ള ചരണ് ജിത്ത് സിംഗ് ചന്നി മുഖ്യമന്ത്രിയായാല് 35 ശതമാനത്തോളം വരുന്ന ദളിത് വോട്ടുകള് അനുകൂലമാകുമെന്നും സിദ്ദു വാദിച്ചു.തുടര്ന്ന് തീരുമാനം ഹൈക്കമാന്ഡ് മാറ്റുകയായിരുന്നുവെന്നാണ് വിവരം.
പിന്നാലെ പഞ്ചാബിന്റെ ചുമതലയുള്ള എഐസിസി ജനറല്സെക്രട്ടറി ഹരീഷ് റാവത്ത് ചന്നിയെ നിയമസഭ കക്ഷി നേതാവായി തെരഞ്ഞെടുത്ത് ട്വിറ്ററിലൂടെ പ്രഖ്യാപിച്ചു. വൈകുന്നേരം ആറരയോടെ സിദ്ദുവിനൊപ്പമെത്തി ചരണ്ജിത്ത് സിംഗ് ചന്നി ഗവര്ണ്ണറെ കണ്ടു. അതേ സമയം അമരീന്ദര്സിംഗ് സിംഗിനൊപ്പം നിന്ന ചന്നി അധികാരമാറ്റത്തില് ചന്നിക്കൊപ്പം ചേരുകയായിരുന്നു. ഭാവിയില് മുഖ്യമന്ത്രി പദം പ്രതീക്ഷിക്കുന്ന സിദ്ദു മുന് നിര നേതാവല്ലാത്ത ചന്നിയെ രംഗത്തിറക്കി ഇതിനുള്ള സാധ്യത നിലനിര്ത്തുകയാണെന്നാണ് സൂചന. നിരാശയില്ലെന്ന് സുഖ് ജിന്തർ സിംഗ് രൺധാവ പ്രതികരിച്ചു. ചന്നിക്ക് എല്ലാ പിന്തുണയും നൽകുമെന്നും അദ്ദേഹം പറഞ്ഞു.
കൊവിഡ് മഹാമാരിയുടെ രണ്ടാംവരവിന്റെ ഈ കാലത്ത്, എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹ്യ അകലം പാലിച്ചും വാക്സിൻ എടുത്തും പ്രതിരോധത്തിന് തയ്യാറാവണമെന്ന് ഏഷ്യാനെറ്റ് ന്യൂസ് അഭ്യർത്ഥിക്കുന്നു. ഒന്നിച്ച് നിന്നാൽ നമുക്കീ മഹാമാരിയെ തോൽപ്പിക്കാനാവും. #BreakTheChain #ANCares #IndiaFightsCorona
