പാക് അധീന കശ്മീരിലെ നീക്കങ്ങള്‍ നിരീക്ഷിച്ച് ഇന്ത്യ
പാക് അധീന കശ്മീരില്‍ പാകിസ്ഥാന്‍ കൂടുതല്‍ വിമാനങ്ങള്‍ എത്തിച്ചതാണ് സംശയത്തിന് ഇടയാക്കിയത്.
ദില്ലി: ചൈനീസ് അതിര്‍ത്തിയില്‍ സംഘര്‍ഷം തുടരവെ പാക് അധീന കശ്മീരിലെ നീക്കങ്ങള്‍ നിരീക്ഷിച്ച് ഇന്ത്യ. നിയന്ത്രണ രേഖയോട് ചേര്‍ന്നുള്ള പാകിസ്ഥാന്റെ നീക്കമാണ് ഇന്ത്യ നിരീക്ഷിക്കുന്നത്. ഇന്ത്യാ-ചൈന സംഘര്‍ഷത്തില്‍ പാകിസ്ഥാന്‍ ഔദ്യോഗികമായി പ്രതികരിച്ചിട്ടില്ല. എന്നാല്‍ പാക് അധീന കശ്മീരില്‍ പാകിസ്ഥാന്‍ കൂടുതല്‍ വിമാനങ്ങള്‍ എത്തിച്ചതാണ് സംശയത്തിന് ഇടയാക്കിയത്.
അതിർത്തി തർക്കം: ചൈനീസ് സർക്കാരിലെ ഉന്നത നേതൃത്വത്തിൻ്റെ നിലപാട് നേരിട്ടറിയാൻ ഇന്ത്യ
ചര്‍ച്ചകള്‍ വഴിമുട്ടിയ സാഹചര്യത്തില്‍ ചൈനീസ് ഉന്നത നേതൃത്വത്തിന്റെ നിലപാട് ആരായാന്‍ ഇന്നലെ ഇന്ത്യ തീരുമാനിച്ചിരുന്നു. ഗല്‍വാനിലെ ആക്രമണത്തെ തുടര്‍ന്നാണ് ഇന്ത്യ-ചൈന ബന്ധം വഷളായത്. ചൈനീസ് ആക്രമണത്തില്‍ കമാന്‍ഡറടക്കം 20 ഇന്ത്യന്‍ സൈനികരാണ് വീരമൃത്യു വരിച്ചത്. സംഘര്‍ഷം ഒഴിവാക്കാന്‍ ഇരു രാജ്യങ്ങളും സൈനിക തലത്തില്‍ നിരവധി തവണ ചര്‍ച്ച നടത്തിയിരുന്നു.
