ഹൈദരാബാദ്: കുറ്റകൃത്യം തടയാൻ പാട്ടിലൂടെ ബോധവൽക്കരണം നൽകി വ്യത്യസ്തനാകുകയാണ് ഹൈദരാബാദിലെ ഒരു ട്രാഫിക് പൊലീസുകാരൻ. ന്യൂ ജനറേഷൻ യുവതി-യുവാക്കൾക്ക് വേണ്ടിയാണ് ട്രാഫിക് പൊലീസുകാരനായ നാ​ഗമല്ലു പാട്ട് പാടി ബോധവൽക്കരണം നടത്താൻ തീരുമാനിച്ചത്. അതിന്റെ കാരണം അദ്ദേഹം തന്നെ വ്യക്തമാക്കിയിട്ടുണ്ട്. 

ന്യൂ ജനറേഷൻക്കാർക്ക് എല്ലാം വിനോദമാണ്. അവരെ എന്റർടൈൻ ചെയ്ത് പറഞ്ഞാൽ കാര്യങ്ങൾ എളുപ്പത്തിൽ അവർക്ക് മനസ്സിലാകും. അതിനാലാണ് പാട്ടിലൂടെ കാര്യങ്ങൾ പറയാമെന്ന് കരുതിയതെന്ന് നാ​ഗമല്ലു പറഞ്ഞു. 2012 മുതലാണ് നാ​ഗമല്ലു പാട്ട് പാടി ബോധവൽക്കരണം നടത്താൻ തുടങ്ങിയത്. ഇതുവരെ ഇരുപതോളം പാട്ടുകൾ നാ​ഗമല്ലു രചിക്കുകയും പാടുകയും ചെയ്തിട്ടുണ്ട്. സമൂഹത്തിൽ ബോധവൽക്കരണം നടത്തുന്നതിനായി എഴുതി ആലപിക്കുന്ന പാട്ടുകൾ ഫേസ്ബുക്ക്, യുട്യൂബ്, വാട്സ്ആപ്പ് തുടങ്ങിയ സോഷ്യൽമീഡിയ വഴിയാണ് ആളുകളിൽ എത്തിക്കുക.

കുറ്റകൃത്യം തടയുന്നതിന് രാജ്യം മുവുവൻ ബോധവൽക്കരണം നടത്തുക എന്നതാണ് നാ​ഗമല്ലുവിന്റെ അടുത്ത ലക്ഷ്യം. അതിനുള്ള തയ്യാറെടുപ്പിലാണ് അദ്ദേഹമിപ്പോൾ. പരീക്ഷയിൽ മാർക്ക് കുറഞ്ഞതിന്റെയും തോറ്റതിന്റെയും പേരിൽ ആത്മഹത്യ ചെയ്യണമെന്ന് കരുതുന്നവർക്ക് വേണ്ടിയും നാ​ഗമല്ലു ബോധവൽക്കരണ പാട്ട് പുറത്തിയിരിക്കിയിരുന്നു.