കാസർകോട് ഡിസിസിയിൽ പൊട്ടിത്തെറി: ഹക്കീം കുന്നിലിനെ മാറ്റണമെന്ന് ഒരു വിഭാഗം നേതാക്കൾ
കെപിസിസി സെക്രട്ടറിമാരും എക്സിക്യൂട്ടീവ് അംഗങ്ങളുമാണ് ഹക്കീമിനെതിരെ താരീഖ് അൻവറിന് കത്ത് നൽകിയത്.
കാസർകോട്: തദ്ദേശതെരഞ്ഞെടുപ്പിന് പിന്നാലെ കാസർകോട് ഡിസിസിയിൽ പൊട്ടിത്തെറി. നിലവിലെ ഡിസിസി അധ്യക്ഷൻ ഹക്കീം കുന്നിലിനെ അടിയന്തരമായി മാറ്റണമെന്ന് ആവശ്യപ്പെട്ട് ജില്ലയിലെ ഒരു വിഭാഗം കോൺഗ്രസ് നേതാക്കൾ എഐസിസി ജനറൽ സെക്രട്ടറി താരിഖ് അൻവറിന് കത്ത് നൽകി.
കെപിസിസി സെക്രട്ടറിമാരും എക്സിക്യൂട്ടീവ് അംഗങ്ങളുമാണ് താരീഖ് അൻവറിന് കത്ത് നൽകിയത്. തദ്ദേശ തെരഞ്ഞെടുപ്പിൽ ജില്ലയിൽ കോൺഗ്രസ് നാലാം സ്ഥാനത്തേക്ക് പിന്തള്ളപ്പെട്ടെന്നും കോൺഗ്രസിൻ്റെ പ്രവർത്തകർ ബിജെപിയിലേക്ക് ഒഴുകുകയാണെന്നും കത്തിൽ നേതാക്കൾ ആരോപിക്കുന്നു. ഹക്കീമിനെ മാറ്റി എത്രയും പെട്ടെന്ന് പുതിയ ഡിസിസി പ്രസിഡന്റിനെ നിയമിക്കണമെന്നും ജില്ലയിലെ നേതാക്കൾ ആവശ്യപ്പെടുന്നു