'അന്ന് ജോസഫ് ഒട്ടകത്തിനെ കൊണ്ടുപോയി, ഇന്ന് രണ്ടിലയും'; ചിഹ്നം ഏതായാലും എല്ഡിഎഫിന് കുഴപ്പമില്ലെന്ന് കൊടിയേരി
"രണ്ടില ചിഹ്നം പോലും ഇല്ലാതെ മത്സരിക്കേണ്ട ഗതികേടിലാണ് ഇക്കുറി കേരളാ കോണ്ഗ്രസ് എം. പാലാ ഉപതെരഞ്ഞെടുപ്പിൽ ആരെങ്കിലും ശബരിമല ചർച്ചയാക്കിയാൽ സി പി എം ഒളിച്ചോടില്ല."
പാലാ: കേരളാ കോണ്ഗ്രസ് എം സ്ഥാനാര്ത്ഥി ഏത് ചിഹ്നത്തില് മത്സരിച്ചാലും എല്ഡിഎഫിന് പ്രശ്നങ്ങളൊന്നുമില്ലെന്ന് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന് അഭിപ്രായപ്പെട്ടു.
രണ്ടില ചിഹ്നം പോലും ഇല്ലാതെ മത്സരിക്കേണ്ട ഗതികേടിലാണ് ഇക്കുറി കേരളാ കോണ്ഗ്രസ് എം. നേരത്തെ പി ജെ ജോസഫ് ഒട്ടക ചിഹ്നം കൊണ്ടുപോയി. ഇപ്പോഴിതാ രണ്ടിലയും കൊണ്ടുപോയി. ഇത്തവണ ചിഹ്നം പുലി ആയാലും,എന്തായാലും ഇടതുപക്ഷത്തിന് പ്രശ്നങ്ങളൊന്നുമില്ല. കോടിയേരി ബാലകൃഷ്ണന് പറഞ്ഞു.
പാലാ ഉപതെരഞ്ഞെടുപ്പിൽ ആരെങ്കിലും ശബരിമല ചർച്ചയാക്കിയാൽ സി പി എം ഒളിച്ചോടില്ല. സി പി എം നിലപാട് വിശ്വാസികളോട് വിശദീകരിക്കും. ശബരിമല വിഷയത്തില് മുഖ്യമന്ത്രിയും പാർട്ടിയും രണ്ട് തട്ടിലല്ല. ഉപതെരഞ്ഞെടുപ്പ് സർക്കാരിന്റെ വിലയിരുത്തലാകുമെന്ന് മുഖ്യമന്ത്രി തന്നെ വ്യക്തമാക്കിയിട്ടുണ്ടെന്നും കോടിയേരി ബാലകൃഷ്ണന് പറഞ്ഞു.