ശബരിമല സ്വർണക്കൊള്ള കേസിൽ ചോദ്യം ചെയ്യലിനായി മുരാരി ബാബു കൊച്ചി ഇഡി ഓഫീസിൽ ഹാജരായി. ദ്വാരപാലക-കട്ടിളപ്പാളി കേസുകളിൽ ചോദ്യം ചെയ്യുന്നതിന് വേണ്ടിയാണ് മുരാരി ബാബു ഹാജരായിരിക്കുന്നത്.
കൊച്ചി: ശബരിമല സ്വർണക്കൊള്ള കേസിൽ ചോദ്യം ചെയ്യലിനായി ദേവസ്വം ബോര്ഡ് മുൻ അഡ്മിനിസ്ട്രേറ്റീവ് ഓഫീസര് മുരാരി ബാബു കൊച്ചി ഇഡി ഓഫീസിൽ ഹാജരായി. ദ്വാരപാലക-കട്ടിളപ്പാളി കേസുകളിൽ ചോദ്യം ചെയ്യുന്നതിന് വേണ്ടിയാണ് മുരാരി ബാബു ഹാജരായിരിക്കുന്നത്. ഇഡി ചോദ്യം ചെയ്യുന്ന ആദ്യത്തെയാളാണ് മുരാരി ബാബു. എസ്ഐടി രജിസ്റ്റര് ചെയ്ത രണ്ട് കേസുകളിലും കുറ്റപത്രം സമര്പ്പിക്കാൻ വൈകിയതോടെ സ്വാഭാവിക ജാമ്യം ലഭിച്ചാണ് മുരാരി ബാബു പുറത്തിറങ്ങിയത്. സ്വര്ണക്കൊള്ള കേസിൽ എസ്ഐടി അന്വേഷണം തുടരുന്നതിനിടെയാണ് ഇഡിയും അന്വേഷണം ആരംഭിച്ചിരിക്കുന്നത്. ശബരിമല സ്വര്ണക്കൊള്ള കേസിൽ ജാമ്യം ലഭിച്ച് പുറത്തിറങ്ങിയ ആദ്യത്തെ ആള് കൂടിയാണ് മുരാരി ബാബു. കഴിഞ്ഞ ഒക്ടോബര് 23 നാണ് കട്ടിളപ്പാളി- ദ്വാരപാലക കേസിൽ മുരാരി ബാബുവിനെ അറസ്റ്റ് ചെയ്യുന്നത്. ദ്വാരപാലക കേസിൽ രണ്ടാം പ്രതിയും കട്ടിളപ്പാളി കേസിൽ ആറാം പ്രതിയുമാണ് മുരാരി ബാബു.
