കര്ഷകരെ പൊലീസിനെയും പട്ടാളത്തെയും ഉപയോഗിച്ച് അടിച്ചമര്ത്താം എന്നു കരുതരുത്. കര്ഷകര്ക്കൊപ്പം രാജ്യവും കോണ്ഗ്രസും ശക്തമായി നിലയുറപ്പിക്കുമെന്ന് ഉമ്മന് ചാണ്ടി.
കോട്ടയം: കര്ഷകരുടെ ക്ഷമ ഇനിയും പരീക്ഷിക്കരുതെന്നും കര്ഷകസമരം ഇനിയും ഒത്തുതീര്പ്പാക്കിയില്ലെങ്കില് അതു തീക്കളിയായി മാറുമെന്ന് കോണ്ഗ്രസ് പ്രവര്ത്തക സമിതിയംഗം ഉമ്മന് ചാണ്ടി. രണ്ടു മാസമായി തെരുവില് കഴിയുന്ന കര്ഷകരുടെ ക്ഷമ ഇനിയും പരീക്ഷിക്കരുത്. അവരുടെ ആവശ്യങ്ങളെ അവഗണിക്കരുത്. ഇത് രാജ്യത്തോടു കാട്ടുന്ന വഞ്ചനയാണ്. അന്നമൂട്ടുന്ന കരങ്ങളാണ് കര്ഷകരുടേതെന്ന് ഉമ്മന്ചാണ്ടി പറഞ്ഞു.
കര്ഷകരെ പൊലീസിനെയും പട്ടാളത്തെയും ഉപയോഗിച്ച് അടിച്ചമര്ത്താം എന്നു കരുതരുത്. കര്ഷകര്ക്കൊപ്പം രാജ്യവും കോണ്ഗ്രസും ശക്തമായി നിലയുറപ്പിക്കും. കാര്ഷിക നിയമം പിന്വലിക്കാന് മടിക്കുന്തോറും ഇതു കോര്പറേറ്റുകള്ക്കുള്ള കരിനിയമമാണെന്ന് കൂടുതല് വ്യക്തമാകുകയാണ്. റിപ്പബ്ലിക് ദിനത്തില് കവചിത വാഹനങ്ങളെക്കാള് ശ്രദ്ധേയമായത് കര്ഷകരുടെ ട്രാക്ടറാണെന്ന് കേന്ദ്രസര്ക്കാര് തിരിച്ചറിയണമെന്നും ഉമ്മന് ചാണ്ടി പറഞ്ഞു.
