'വാക്സീനായി സംസ്ഥാനങ്ങൾ തമ്മില് മത്സരിക്കേണ്ട സാഹചര്യം'; വിമര്ശനവുമായി മുഖ്യമന്ത്രി
പൊതുമേഖലാ മരുന്ന് കമ്പനികൾക്ക് വാക്സീൻ ഉൽപാദിപ്പിക്കാൻ അനുമതി വേണമെന്നും മുഖ്യമന്ത്രി പറഞ്ഞു.
തിരുവനന്തപുരം: രാജ്യത്തെ വാക്സീൻ വിതരണ രീതിയെ വിമർശിച്ച് മുഖ്യമന്ത്രി പിണറായി വിജയന്. വാക്സീൻ ഉത്പാദിപ്പിക്കുന്ന കമ്പനികൾ സാമ്പത്തിക നേട്ടത്തിന് പുറകെ പോകുന്നത് നിർഭാഗ്യകരമായ സാഹചര്യമെന്ന് മുഖ്യമന്ത്രി വിമര്ശിച്ചു. വാക്സീൻ ലഭിക്കാൻ സംസ്ഥാനങ്ങൾ പരസ്പരം മത്സരിക്കേണ്ട സാഹചര്യമാണുള്ളത്. ഉയർന്ന വില പറയുന്നവർക്ക് വാക്സീൻ കിട്ടുന്നു. പൊതുമേഖലാ മരുന്ന് കമ്പനികൾക്ക് വാക്സീൻ ഉൽപാദിപ്പിക്കാൻ അനുമതി വേണമെന്നും മുഖ്യമന്ത്രി പറഞ്ഞു.