ഭൂരിപക്ഷവര്ഗീയതയേയും ന്യൂനപക്ഷ വര്ഗീയതയേയും ഒരുപോലെ എതിര്ക്കുകയാണ് യുഡിഎഫ് നിലപാടെന്നും സതീശന് വിശദീകരിച്ചു.
പാലക്കാട്: ഭൂരിപക്ഷ വര്ഗീയതയാണ് ന്യൂനപക്ഷ വര്ഗീയതയ്ക്ക് കാരണമെന്ന മന്ത്രി എം വി ഗോവിന്ദന്റെ (M V Govindan) പ്രസ്താവന കലക്കവെള്ളത്തില് മീന്പിടിക്കലെന്ന് പ്രതിപക്ഷനേതാവ് വി ഡി സതീശന് (V D Satheesan). ഭൂരിപക്ഷ വര്ഗീയതയേയും ന്യൂനപക്ഷ വര്ഗീയതയേയും ഒരുപോലെ എതിര്ക്കുകയാണ് യുഡിഎഫ് നിലപാടെന്നും സതീശന് വിശദീകരിച്ചു. ഭൂരിപക്ഷ വര്ഗീയവാദികള്, ന്യൂനപക്ഷ വര്ഗീയവാദികള്, സിപിഎം എന്നിവര്ക്കാണ് കേരളത്തില് കൊലയാളി സംഘങ്ങളുള്ളത്. തീക്കൊള്ളികൊണ്ട് തലചൊറിയുന്നതിന് തുല്യമാണ് സര്ക്കാരിന്റെയും മന്ത്രിമാരുടെയും കളി. കൊലയാളി സംഘത്തിന് നേതൃത്വം നൽകുന്നവരെ ചോദ്യം ചെയ്യാൻ മുഖ്യമന്ത്രി പിണറായി വിജയന് മുട്ടുവിറയ്ക്കും. ചോദ്യം ചെയ്താൽ തിരഞ്ഞെടുപ്പ് കാലത്തെ കാര്യങ്ങൾ അവർ വെളിപ്പെടുത്തുമെന്നും സതീശന് പറഞ്ഞു.
- 'ഭൂരിപക്ഷ വര്ഗീയത ഏറ്റവും അപകടകരം; ന്യൂനപക്ഷ വര്ഗീയതയുണ്ടാക്കുന്നത് ഭൂരിപക്ഷ വര്ഗീയതയെന്ന് എം വി ഗോവിന്ദന്
കണ്ണൂര്: ഭൂരിപക്ഷ വര്ഗീയത ഏറ്റവും അപകടകരമെന്ന് മന്ത്രി എം വി ഗോവിന്ദന് (M V Govindan) . ഭൂരിപക്ഷ വര്ഗീയതയാണ് ന്യൂനപക്ഷ വര്ഗീയതയുണ്ടാക്കുന്നത്. രണ്ട് ഭീകരതയും ജനങ്ങള്ക്ക് ഭീഷണിയാണെന്നും മന്ത്രി തിരുവനന്തപുരത്ത് പറഞ്ഞു. "ഭൂരിപക്ഷ വര്ഗീയതയാണ് ഈ രാജ്യത്ത് ഹിന്ദു രാഷ്ട്രം ഉണ്ടാക്കാന് ശ്രമിക്കുന്നത്. ഹിന്ദു രാഷ്ട്രം ഉണ്ടാക്കാനുള്ള ശ്രമത്തിന്റെ ഭാഗമാണ് ന്യൂനപക്ഷ വിരോധം. ന്യൂനപക്ഷ വിരോധത്തിന്റെ ഭാഗമായാണ് സംഘര്ഷങ്ങള് രൂപപ്പെട്ട് വരുന്നത്. സ്വഭാവികമായും ഭൂരിപക്ഷ വര്ഗീയതയാണ് ഏറ്റവും അപകടകാരിയായ വര്ഗീയത". വർഗീയ സംഘര്ഷങ്ങളിലൂടെ സംഘടന ശക്തിപ്പെടുത്താനുള്ള ശ്രമങ്ങള് സംസ്ഥാനത്ത് നടക്കുന്നുണ്ട്. സര്ക്കാരും പൊലീസും മാത്രം വിചാരിച്ചാല് അക്രമം ഒഴിവാക്കാനാവില്ലെന്നും മന്ത്രി പറഞ്ഞു.
