കൊച്ചി: ജിഷ വധക്കേസില് പ്രതി അമീറുള് ഇസ്ലാമിനെതിരെ പത്ത് സുപ്രധാന തെളിവുകളാണ് പ്രോസിക്യൂഷന് കോടതിയില് ഹാജരാക്കിയത്. ഡി എന് എ അടക്കമുളള ഈ തെളിവുകളാണ് പൊലീസിന് പിടിവളളിയായത്.
കൃത്യം നടക്കുമ്പോള് പ്രതി അമീറുള് ഇസ്ലാമിന്റെ സാന്നിധ്യം ജിഷയുടെ വീട്ടിലുണ്ട് എന്നതിന് പൊലീസ് കണ്ടെത്തിയ തെളിവുകള് ഇങ്ങനെയാണ്
1) കൊല്ലപ്പെട്ട ജിഷയുടെ കൈനഖങ്ങള്ക്കടിയില് നിന്ന് കിട്ടിയ പ്രതിയുടെ ഡി എന് എ. മുറിക്കുളളിലെ മല്പ്പിടുത്തത്തിലാണിത് സംഭവിച്ചത്
2) ജിഷയുടെ ചുരിദാര് ടോപ്പില് നിന്ന് കണ്ടെത്തിയ ഉമിനീരില് നിന്ന് വേര്തിരിച്ചെടുത്ത പ്രതിയുടെ ഡി എന് എ
3) ജിഷയുടെ ചുരിദാര് സ്ലീവിലെ രക്തക്കറയില് നിന്ന് വേര്തിരിച്ചെടുത്ത പ്രതിയുടെ ഡി എന് എ
4) ജിഷയുടെ വീടിന്റെ പിന്നാമ്പുറത്തുളള ഡോര് ഫ്രെയിമില് നിന്ന് കണ്ടെടുത്ത രക്തക്കറയില് നിന്ന് വേര്തിരിച്ചെടുത്ത പ്രതിയുടെ ഡിഎന് എ
5) അറസ്റ്റിലായതിനുശേഷം പരിശോധിച്ച ഡോക്ടറോട് വലതുകൈയ്യിലെ മുറിവ് ജിഷയുടെ വായ് പൊത്തിപ്പിടിച്ചതിനെത്തുടര്ന്ന് യുവതി കടിച്ചതില് സംഭവിച്ചതാണെന്ന പ്രതിയുടെ മൊഴി
6) കൃത്യത്തിനായി പ്രതി ഉപയോഗിച്ച കത്തിയില് നിന്ന് വേര്തിരിച്ചെടുത്ത ജിഷയുടെ ഡിഎന്എ
7) പ്രതിയുടെ ചെരുപ്പില് നിന്ന് കണ്ടെടുത്ത ജിഷയുടെ ഡി എന് എ
8) പ്രതിയുടെ ചെരുപ്പില് നിന്ന് കണ്ടെത്തിയ മണലിന് ജിഷയുടെ വീടിന്റെ പിന്നാമ്പുറത്തുളള മണലിലോട് സാദ്യശ്യമെന്ന ശാസ്ത്രീയ പരിശോധനാ റിപ്പോര്ട്ട്
9) കൃത്യത്തിനുശേഷം രക്ഷപെട്ട രക്ഷപെട്ട പ്രതിയെ അയല്വാസിയായ ശ്രീലേഖ മജിസ്ട്രേറ്റിന് മുന്നില് തിരിച്ചറിഞ്ഞത്.
10) ജിഷയുടെ വീടിന്റെ പിന്നാമ്പുറത്തുനിന്ന് കണ്ടെത്തിയ ബീഡിയും ലൈറ്ററും അമീറുള് ഇസ്ലാമിന്റേതാണെന്ന സാക്ഷി മൊഴികള്.
