എകെജി ഭവനിലേക്ക് നാളെ ബിജെപി മാര്‍ച്ച്
ദില്ലി: കേരളത്തില്‍ ബിജെപി പ്രവര്‍ത്തകര്‍ക്കെതിരെ സിപിഎം ആക്രമണം നടത്തുവെന്നാരോപിച്ച് ദില്ലി ബിജെപി ഘടകം ഇന്ന് സിപിഎം ആസ്ഥാനമായ എകെജി ഭവനിലേക്ക് പ്രതിഷേധ മാര്‍ച്ച് നടത്തും. പണ്ഡിറ്റ് പന്ദ് മാര്‍ഗിലെ ബിജെപി സംസ്ഥാന ഓഫീസില്‍ നിന്ന് ഒന്നരക്കിലോമീറ്ററാണ് ജന്‍ രക്ഷാ യാത്ര. ബിജെപി ദില്ലി പ്രസിഡന്റ് മനോജ് തിവാരിയുടെ നേതൃത്വത്തിലുള്ള മാര്‍ച്ചില്‍ കേന്ദ്രമന്ത്രി ജിതേന്ദര്‍ സിംഗും പങ്കെടുക്കും.
കേരളത്തില്‍ ബിജെപി സംസ്ഥാന പ്രസിഡന്റ് കുമ്മനം രാജശേഖരന്റെ പദയാത്രയ്ക്ക് ഐകദാര്‍ഡ്യം പ്രഖ്യാപിച്ച് എകെജി ഭവനിലേക്ക് മാര്‍ച്ച് നടത്തണമെന്ന ദേശീയ അധ്യക്ഷന്‍ അമിത് ഷായുടെ ആഹ്വാനപ്രകാരമാണ് പ്രതിഷേധം. രാവിലെ പത്തരയ്ക്ക് തുടങ്ങുന്ന ജന്‍രക്ഷാ യാത്രയില്‍ മലയാളികളായ ബിജെപി-ആര്‍എസ്എസ് പ്രവര്‍ത്തകരും പങ്കെടുക്കും
Last Updated Oct 4, 2018, 7:41 PM IST
