ദില്ലി: മുഖ്യമന്ത്രി പിണറായി വിജയൻ ഇന്ന്‌ കേന്ദ്ര വ്യോമയാന മന്ത്രി അശോക് ഗജപതി രാജുവുമായി കൂടിക്കാഴ്ച നടത്തും. കണ്ണൂർ, കരിപ്പൂർ വിമാനത്താവളങ്ങളുടെ വികസനം ചർച്ചയാകും. കരിപ്പൂരിൽ വലിയ വിമാനങ്ങൾ ഇറങ്ങാൻ അനുമതി നൽകണമെന്ന് കൂടിക്കാഴ്ചയിൽ മുഖ്യമന്ത്രി ആവശ്യപ്പെടും. എന്നാൽ വിമാനത്താവള വികസനവുമായി ബന്ധപ്പെട്ട സ്ഥലമേറ്റെടുപ്പ് പൂര്‍ത്തിയാകാത്ത സാഹചര്യത്തില്‍ അനുമതി നൽകാനാകില്ലെന്ന നിലപാടിലാണ് കേന്ദ്രം. ഹജ്ജ് തീർത്ഥാടകർക്കായി കരിപ്പൂരിൽ പുറപ്പെടൽ കേന്ദ്രം അനുവദിക്കണമെന്ന ആവശ്യവും മുഖ്യമന്ത്രി മുന്നോട്ടുവെക്കും.