കര്‍ണ്ണാടകയില്‍ കോണ്‍ഗ്രസ് എംഎൽഎ ബിജെപിയിലേക്ക്
- കര്‍ണ്ണാടകയില്‍ എംഎൽഎയുമായ മാലിക്കയ്യ വെങ്കയ്യ ഗുട്ടെഡർ കോണ്ഗ്രസിൽനിന്നു രാജിവച്ചു
ബംഗളുരു: കര്‍ണ്ണാടകയില്‍ എംഎൽഎയുമായ മാലിക്കയ്യ വെങ്കയ്യ ഗുട്ടെഡർ കോണ്ഗ്രസിൽനിന്നു രാജിവച്ചു. ബിജെപിയിൽ ചേരുന്നതിനു മുന്നോടിയായാണു രാജിയെന്നാണ് റിപ്പോര്‍ട്ട്. മേയ് 12ന് നിയമസഭാ തെരഞ്ഞെടുപ്പ് നടക്കാനിരിക്കെയാണ് ഗുട്ടെഡർ പാർട്ടിയിൽനിന്നു പുറത്തുപോകുന്നത്.
അഫ്സൽപൂരിൽനിന്ന് ആറു തവണ എംഎൽഎയായിട്ടുള്ള ഇദ്ദേഹം മന്ത്രിസ്ഥാനവും വഹിച്ചിട്ടുണ്ട്. മന്ത്രിസ്ഥാനം ലഭിക്കാത്തതിനെ തുടർന്ന് മുഖ്യമന്ത്രി സിദ്ധരാമയ്യയുമായി അകൽച്ചയിലായിരുന്നു ഗുട്ടെഡർ.
ഗുട്ടെഡർ കഴിഞ്ഞ ദിവസം ബിജെപി സംസ്ഥാന അധ്യക്ഷൻ യെദിയൂരപ്പയുമായി കൂടിക്കാഴ്ച നടത്തിയിരുന്നു. മാർച്ച് 30ന് ബിജെപി ദേശീയ അധ്യക്ഷൻ അമിത് ഷായുടെ സാന്നിധ്യത്തിൽ ബിജെപി അംഗത്വം സ്വീകരിക്കുമെന്ന് ഗുട്ടെഡർ അറിയിച്ചു.
