ബെർലിൻ: ജർമൻ ഫുട്ബോൾ ക്ലബ്ബ് ബൊറൂസിയ ഡോർട്മുണ്ടിന്റെ ടിം ബസിൽ സ്ഫോടനം. പൊട്ടിത്തെറിയിൽ ഒരു കളിക്കാരനു പരിക്കേറ്റു. സ്പാനിഷ് പ്രതിരോധ താരം മാർകോ ബത്രയ്ക്കാണു പരിക്കേറ്റതെന്നാണു റിപ്പോർട്ടുകൾ.
മൊണോക്കോയുമായുള്ള ചാന്പ്യൻസ് ലീഗ് ക്വാർട്ടർ ഫൈനൽ മത്സരത്തിൽ പങ്കെടുക്കുന്നതിനായി തയാറെടുക്കവെയാണ് ബസിൽ പൊട്ടിത്തെറിയുണ്ടായത്. ടീമിന്റെ ഒൗദ്യോഗിക ട്വിറ്റർ അക്കൗണ്ട് സ്ഫോടനം സ്ഥിരീകരിച്ചു. ടീം താമസിച്ചിരുന്ന ഹോട്ടലിലാണ് സംഭവമെന്നാണു സൂചന. ബുധനാഴ്ച പുലർച്ചെ നടക്കേണ്ടിയിരുന്ന മത്സരം നടക്കുമോയെന്ന കാര്യത്തിൽ തീരുമാനമായിട്ടില്ല.
