ഹരിയാനയിൽ 19 കാരിയെ കൂട്ടബലാത്സംഗം ചെയ്ത കേസില് മുഖ്യപ്രതി സൈനികനെന്ന് അന്വേഷണ സംഘം. രാജസ്ഥാനിൽ ജോലി ചെയ്യുന്ന ഇയാൾക്കായി ഉടൻ വാറണ്ട് പുറപ്പെടുവിക്കുമെന്ന് പൊലീസ് പറഞ്ഞു.
ദില്ലി: ഹരിയാനയിൽ 19 കാരിയെ കൂട്ടബലാത്സംഗം ചെയ്ത കേസില് മുഖ്യപ്രതി സൈനികനെന്ന് അന്വേഷണ സംഘം. രാജസ്ഥാനിൽ ജോലി ചെയ്യുന്ന ഇയാൾക്കായി ഉടൻ വാറണ്ട് പുറപ്പെടുവിക്കുമെന്ന് പൊലീസ് പറഞ്ഞു.
സിബിഎസ്സി പരീക്ഷയില് ഒന്നാമതെത്തിയ പെണ്കുട്ടിയെ തട്ടിക്കൊണ്ടുപോയി കൂട്ടബലാത്സംഗം ചെയ്യുകയായിരുന്നു. 19 കാരിയായ കോളേജ് വിദ്യാര്ത്ഥിനിയെ ഹരിയാനായിലെ മഹേന്ദ്രഹര് ജില്ലയില് നിന്ന് വ്യാഴാഴ്ചയാണ് തട്ടിക്കൊണ്ട് പോയി കൂട്ട ബലാത്സംഗം ചെയ്തത്. ഗുരുഗ്രാമില്നിന്ന് 116 കിലോമീറ്റര് അകലെ ഒരു ബസ് സ്റ്റാന്റിന് സമീപം പെണ്കുട്ടിയെ അബോധാവസ്ഥയില് കണ്ടെത്തുകയായിരുന്നു. കോച്ചിംഗ് സെന്ററിലേക്ക് പോകുകയായിരുന്ന പെണ്കുട്ടിയെ മൂന്ന് പേര് ചേര്ന്നാണ് തട്ടിക്കൊണ്ടുപോയത്.
റെവാഡി ജില്ലയിലെ കോസ്ലി സ്വദേശിനിയാണ് കൂട്ടബലാത്സംഗത്തിനിരയായത്. റെയില്വേ ബോര്ഡ് പരീക്ഷയ്ക്കായുള്ള പരിശീലനം കഴിഞ്ഞ് മടങ്ങവേ കാറില് തട്ടിക്കൊണ്ടുപോകുകയായിരുന്നു. സമീപ ജില്ലയായ മഹേന്ദ്രഗഡില് എത്തിച്ച ശേഷം മാനഭംഗത്തിനിരയാക്കി. മയക്ക് മരുന്ന കലര്ത്തിയ വെള്ളം നല്കി മയക്കിയ ശേഷമായിരുന്നു പീഡനം. തുടര്ന്ന് ഒരു ബസ് സ്റ്റോപ്പില് ഇറക്കിവിട്ടു. സംഘത്തില് നാല്പേരുണ്ടായിരുന്നു എന്നാണ് പെണ്കുട്ടിയുടെ മൊഴി. പങ്കജ്, മനീഷ്, നിഷു എന്നീ പ്രതികളെ നേരത്തെ തിരിച്ചറിഞ്ഞു. ഇവരെല്ലാം പെണ്കുട്ടിയുടെ ഗ്രമാത്തിലുള്ളവരാണ്.
