ജഗതി ശ്രീകുമാര്‍ ദുബായിലെത്തി; അപകടത്തിന് ശേഷമുള്ള ആദ്യ വിദേശ സന്ദര്‍ശനം
നടന്‍ ജഗതി ശ്രീകുമാര്‍ യു.എ.ഇയില്‍ എത്തി. വാഹനാപകടത്തിന് ശേഷം ഇതാദ്യമായാണ് ജഗതി ഒരു വിദേശ രാജ്യം സന്ദര്‍ശിക്കുന്നത്. ജഗതി ശ്രീകുമാര്‍ ബുധനാഴ്ച രാവിലെയാണ് ദുബായില്‍ എത്തിയത്. വാഹനാപകടത്തിന് ശേഷം ഇദ്ദേഹം സന്ദര്‍ശിക്കുന്ന ആദ്യ വിദേശ രാജ്യമാണ് യു.എ.ഇ. ദുബായില്‍ നടക്കുന്ന ഒരു ചടങ്ങില്‍ പങ്കെടുക്കാനാണ് മലയാളികളുടെ പ്രിയനടന്‍ ദുബായില്‍എത്തിയിരിക്കുന്നത്. ഭാര്യ ശോഭ, മക്കളായ പാര്‍വതി, പിങ്കി, രാജ്കുമാര്‍, മരുമകന്‍ ഷോണ്‍ എന്നിവരും കൊച്ചുമക്കളും ജഗതിയോടൊപ്പം എത്തിയിട്ടുണ്ട്. ദുബായ് യാത്ര അച്ഛന് വലിയ മാനസിക ഉല്ലാസം നല്‍കുമെന്ന് മക്കള്‍പറഞ്ഞു. കുറച്ചു ദിവസങ്ങള്‍ ദുബായില്‍ ചെലവഴിച്ച ശേഷമാണ് ജഗതി ശ്രീകുമാറും കുടുംബവും നാട്ടിലേക്ക് തിരിക്കുക.
Last Updated Oct 4, 2018, 6:14 PM IST
