കൊച്ചി: ദേശാഭിമാനി കൊച്ചി ബ്യൂറോയിലെ സീനിയര്‍ റിപ്പോര്‍ട്ടറും എഴുത്തുകാരനുമായ ഷഫീഖ് അമരാവതി അന്തരിച്ചു. 44 വയസ്സായിരുന്നു. ഫോര്‍ട്ട് കൊച്ചിയിലെ സ്വകാര്യ ആശുപത്രിയില്‍ വൈകിട്ട് എട്ടോടെയായിരുന്നു അന്ത്യം. ഹൃദയസംബന്ധമായ അസുഖത്തെതുടര്‍ന്ന് വൈകിട്ട് ഏഴരയോടെയാണ് ആശുപത്രിയില്‍ പ്രവേശിപ്പിച്ചത്. സംഗീത സംബന്ധിയായ നിരവധി പുസ്തകങ്ങളുടെ രചയിതാവ്, ഗായകന്‍ എന്നീ നിലകളിലും പ്രശസ്തനായിരുന്നു. സംസ്‌കാരം നാളെ രാവിലെ പതിനൊന്നിന് കല്‍വത്തി ജുമാ മസ്ജിദ് ഖബറിസ്ഥാനില്‍ നടക്കും.