കേരളത്തിന്റെ അവസ്ഥ അറിയാൻ പിണറായി സാരി ഉടുത്ത് പുറത്തിറങ്ങണമെന്ന് ഗൗരിയമ്മ
തിരുവനന്തപുരം: കേരളത്തിന്റെ ഇന്നത്തെ അവസ്ഥ അറിയാൻ മുഖ്യമന്ത്രി പിണറായി വിജയൻ സാരി ഉടുത്ത് പുറത്തിറങ്ങി നോക്കണമെന്ന് ഉപദേശിച്ച് കെ ആര് ഗൗരിയമ്മ . മുഖ്യന്ത്രിയെ വേദിയില് ഇരുത്തിയായിരുന്നു ഗൗരിയമ്മയുടെ ഉപദേശം.
നിയമസഭയുടെ വജ്ര ജൂബിലിയോടനുബന്ധിച്ച് സംഘടിച്ച സുഹൃദ് സംഗമ ചടങ്ങായിരുന്നു വേദി . രാത്രി പത്തുമണിക്കൊക്കെ താന് നടന്ന് വീട്ടിലേക്ക് പോയിട്ടുണ്ട്. അന്നൊരാളും ആക്രമിച്ചിട്ടില്ല . ഇന്ന് സ്ഥിതി മാറി . കേരളം വളരുകയാണ് . അതറിയാനാണ് മുഖ്യമന്ത്രിക്ക് ഗൗരിയമ്മ പുതുവഴി ഉപദേശിച്ചത്.
മുന് എം എല് എമാരുള്പ്പെടെ പങ്കെടുത്ത സുഹൃദ് സംഗമത്തില് മുതിര്ന്ന നിയമസഭ സാമാജികയായിരുന്ന ഗൗരിയമ്മയെ നിയമസഭ ആദരിച്ചു. ശാരീരിക അസ്വസ്ഥതകള് ഉള്ളതിനാല് ഇ ചന്ദ്രശേഖരന് നായര് ചടങ്ങിലെത്തിയില്ല . ആദ്യ സമ്മേളനത്തിലിരുന്ന ഇരിപ്പിടം കണ്ടെത്തി അവിടെ ഇരുന്നും പഴയ ഓര്മകള് പങ്കുവച്ചും ആണ് പലരും പിരിഞ്ഞത്. ഇത്തരം കൂട്ടായ്മകള് ഇനിയും വേണമെന്ന് മുഖ്യമന്ത്രിയും പ്രതിപക്ഷ നേതാവും ഉള്പ്പെടെയുള്ളവര് ചടങ്ങില് പറഞ്ഞു.