കാസർകോട് ഇരട്ടക്കൊലപാതകം: പെരിയയിൽ സിപിഎമ്മിന്റെ രാഷ്ട്രീയ വിശദീകരണയോഗം
ഇരട്ടക്കൊലപാതകം നടന്ന കാസർകോട് പെരിയയിൽ മാർച്ച് ഒന്നിന് സിപിഎമ്മിന്റെ രാഷ്ട്രീയ വിശദീകരണ യോഗം. എൽ ഡി എഫ് കൺവീനർ എ വിജയരാഘവൻ യോഗത്തില് പങ്കെടുക്കും.
കാസർകോട്: ഇരട്ടക്കൊലപാതകം നടന്ന കാസർകോട് പെരിയയിൽ മാർച്ച് ഒന്നിന് സിപിഎമ്മിന്റെ രാഷ്ട്രീയ വിശദീകരണ യോഗം. എൽ ഡി എഫ് കൺവീനർ എ വിജയരാഘവൻ യോഗത്തില് പങ്കെടുക്കും. ജില്ലയിലെ മുഴുവൻ പാർട്ടി അംഗങ്ങളും നിർബന്ധമായും പങ്കെടുക്കാനും നിർദേശം നല്കിയിട്ടുണ്ട്.
ഫെബ്രുവരി 17 നാണ് കല്യോട്ടിനടുത്ത് ഇരട്ടക്കൊല നടന്നത്. ജീപ്പിലെത്തിയ സംഘം യൂത്ത് കോണ്ഗ്രസ് പ്രവര്ത്തകരായ കൃപേഷും ശരത് ലാലും സഞ്ചരിച്ച ബൈക്ക് തടഞ്ഞുനിര്ത്തി വെട്ടിക്കൊലപ്പെടുത്തുകയായിരുന്നു. കേസില് ഇതുവരെ ഏഴ് പേരെയാണ് അറസ്റ്റ് ചെയ്തിരിക്കുന്നത്.
സി പി എം പെരിയ മുൻ ലോക്കൽ കമ്മിറ്റിയംഗം എ പീതാംബരൻ, സജി ജോര്ജ്, ഏച്ചിലടുക്കം സ്വദേശി സുരേഷ്, ഗിജിന്, ശ്രീരാഗ്, ഒാട്ടോ ഡ്രൈവര് അനിൽകുമാർ എന്നിവരും 19 വയസുകാരന് അശ്വിനുമാണ് അറസ്റ്റിലായത്.