അവസാന ശ്വാസം വരെ ജനങ്ങള്‍ക്കായി പ്രവര്‍ത്തിക്കും കുമ്മനത്തിന്‍റെ ട്വീറ്റ്
അവസാന ശ്വാസം വരെ ജനങ്ങള്ക്കായി പ്രവര്ത്തിക്കുമെന്ന് മിസ്സോറാം ഗവര്ണറായി ചുമതലയേറ്റ ബിജെപി മുന് അധ്യക്ഷന് കുമ്മനം രാജശേഖരന്. തന്റെ ട്വിറ്ററിലൂടെയാണ് അദ്ദേഹം ഇക്കാര്യം അറിയിച്ചത്. ചുമതലയേല്ക്കും മുമ്പ് കേരളത്തിലെ ബിജെപി പ്രവര്ത്തകര്ക്ക് നന്ദി അറിയിക്കുക കൂടിയായിരുന്നു കുമ്മനം.
ബിജെപി അധ്യക്ഷനായുള്ള തന്റെ ചുമതലകള് അവസാനിച്ചു. ബിജെപിയ്ക്ക് സങ്കീര്ണ്ണമായ പശ്ചാത്തലത്തില് കേരളത്തിലെ ബിജെപി അധ്യക്ഷ പദവി വെല്ലുവിളി നിറഞ്ഞതായിരുന്നു. തന്റെ കഴിവിന്റെ പരമാവധി പ്രവര്ത്തിക്കാന് കഴിഞ്ഞുവെന്നാണ് വിശ്വാസം. എല്ലാത്തിനും പിന്തുണ നല്കി ഒപ്പം നിന്ന എല്ലാ പാര്ട്ടി പ്രവര്ത്തകര്ക്കും നന്ദിയെന്നും കുമ്മനം പറഞ്ഞു.
ഇനി തന്റെ പ്രവര്ത്തനം രാഷ്ട്രീയത്തിനപ്പുറമാണ്. രാഷ്ട്രീയ ഭേദമന്യേ എല്ലാ തലത്തിലുമുള്ള ആളുകള്ക്ക് വേണ്ടി പ്രവര്ത്തിക്കും. താഴെത്തട്ടിലുള്ളവര്ക്ക് വേണ്ടിയാണ് താന് ഇതുവരെ പ്രവര്ത്തിച്ചിരുന്നത്. ഇത് തന്റെ അവസാന ശ്വാസം വരെ തുടരുമെന്നും കുമ്മനം ട്വിറ്ററിലൂടെ വ്യക്തമാക്കി.
