Asianet News MalayalamAsianet News Malayalam

ചങ്കൂറ്റമുണ്ടെങ്കില്‍ മാണിയേയും മോനേയും കാലുവാരണം കോണ്‍ഗ്രസുകാരേ; 'അനുഭവസ്ഥന്‍' പറയുന്നു

  • ചങ്കൂറ്റമുണ്ടെങ്കില്‍ മാണിയേയും മോനേയും കാലുവാരണം
  • എം എ നിഷാദിന്‍റെ ഫേസ്ബുക്ക് പോസ്റ്റ്
m a nishad fb post on kerala congress rajyasabha seat

ഒഴിവുവന്ന രാജ്യസഭാ സീറ്റ്  കേരള കോണ്‍ഗ്രസിന് വിട്ടുകൊടുത്തതോടെ കോണ്‍ഗ്രസിനുളളില്‍ തുറന്ന യുദ്ധം നടക്കുകയാണ്. യൂത്ത് കോണ്‍ഗ്രസ് നേതാക്കളും യുവ എംഎല്‍എമാരുമടക്കം മുതിര്‍ന്ന നേതാക്കളായ സുധീരനും രാജ്മോഹന്‍ ഉണ്ണിത്താനുമടക്കം ഇതിനെതിരെ രംഗത്തെത്തിയിരുന്നു. ഇതിനിടെ മുമ്പ് നിയമസഭാ സ്ഥാനാര്‍ത്ഥിയായി മത്സരിച്ച് തോറ്റ സംവിധായകന്‍ എം എ നിഷാദിന്‍റെ ഫേസ്ബുക്ക് പോസ്റ്റ് വൈറലാവുകയാണ്. കാലുവാരാന്‍ കോണ്‍ഗ്രസുകാരെ പഠിപ്പിക്കേണ്ടതില്ലെന്നും ഇത് തന്‍റെ അനുഭവത്തില്‍നിന്നാണ് പറയുന്നതെന്നും പറയുന്നു നിഷാദ്. ഒപ്പം മാണിയെയും മകനെയും കാലുവാരണമെന്നും അല്ലാതെ ഫേസ്ബുക്കില്‍ കുറിപ്പിട്ട് സായൂജ്യമടയുകയല്ല വേണ്ടതെന്നും നിഷാദ് വ്യക്തമാക്കി. 

പോസ്റ്റിന്‍റെ പൂര്‍ണ്ണ രൂപം

അപ്പനെയും മോനേയും, വാരി തോൽപ്പിക്കാനുളള ആർജ്ജവം.. അതാണ് വേണ്ടത്... 
അതിനുളള ചന്കൂറ്റം ഉണ്ടോ കോൺഗ്രസ്സ്കാരാ ?
ഉണ്ടെങ്കിൽ അതാണ് ചെയ്യേണ്ടത്.. അല്ലാതെ മുഖപുസ്തകത്തിൽ കുറിപ്പിട്ട് സായൂജ്യം അടയുകയല്ല വേണ്ടത്.. ഒരു പ്രാവശ്യം ചെയ്ത് നോക്ക്.. അതോടെ തീരും അണികളെ പറ്റിച്ച്, അർമ്മാദിക്കുന്ന നേതാക്ക്മാരുടെ അഹന്ത... ഉ.കു.മാ (ഉമ്മൻ,കുഞ്ഞാലി.മാണീ)സംഘത്തിന്റ്റെ എല്ലാ കളികളും അതോടെ സ്വാഹ...
പൗഡർ കുട്ടപ്പനും, കുര്യാപ്പിയും, മൗനീ ബാവയും എല്ലാം കണക്കാണെന്നുളള നഗ്ന സത്യം ഊത്തന്മാർക്ക് മനസ്സിലായിട്ടുണ്ടോ.. ആവോ..
മുസ്ളീം ''ലീക്ക്'' പാർട്ടിയുടെ ആഭ്യന്തര കാര്യത്തിലും, നിങ്ങൾ കോൺഗ്രസ്സ്കാർ അഭിപ്രായം പറഞ്ഞ് തുടങ്ങണം എന്നാണ് എന്റ്റെ ഒരു ഇത്...

NB..കാലു വാരാൻ കോൺഗ്രസ്സ് കുഞ്ഞുങ്ങൾക്ക് പ്രത്യേക കോച്ചിംഗ് ആവശ്യമില്ല എന്ന് നന്നായി അറിയാവുന്ന, ഒരു പഴയ udf നിയമസഭാ സ്ഥാനാർത്ഥിയുടെ സാക്ഷ്യം...ഒപ്പ്..
 

Follow Us:
Download App:
  • android
  • ios