കുട്ടി തനിച്ചാണെന്ന് മനസ്സിലാക്കിയ പിതാവ് മകളെ ബലാത്സംഗം ചെയ്യുകയായിരുന്നു. കുട്ടിയുടെ അമ്മ തിരികെ വന്നപ്പോൾ കുഞ്ഞ് അബോധാവസ്ഥയിൽ രക്തത്തിൽ കുളിച്ച് കിടക്കുന്നതാണ് കണ്ടത്. പിതാവ് വീട്ടിലുണ്ടായിരുന്നില്ല.
ഗുര്ഗാവ് : ഭാര്യയുമായി വഴക്കിട്ട ഭർത്താവ് മൂന്ന് വയസ്സുകാരിയായ മകളെ ബലാത്സംഗം ചെയ്തു. കഴിഞ്ഞ മാസം ഉത്തർപ്രദേശിലെ ഗുര്ഗാവിലാണ് മനസാക്ഷിയെ മരവിപ്പിക്കുന്ന സംഭവം നടന്നത്. മദ്യപിച്ച് ഭാര്യയുമായി വഴക്കിട്ട ഇയാള് ഭാര്യ വീടിന് പുറത്തേക്ക് പോയ സമയത്താണ് മൂന്നു വയസുകാരിയായ മകളെ ക്രൂരമായി പീഡിപ്പിച്ചത്. പെണ്കുട്ടിയുടെ അമ്മയുടെ പരാതിയില് ഭര്ത്താവിനെ പൊലീസ് അറസ്റ്റ് ചെയ്തു.
ഭാര്യയുമായുള്ള വഴക്കിന് ശേഷം ഒരു വയസ്സുള്ള കുട്ടിയെയും കൊണ്ട് യുവതി ബന്ധുവിന്റെ വീട്ടിലേക്ക് പോയി. മൂന്നു വയസ്സുള്ള മൂത്ത പെൺകുട്ടിയെ പിതാവിനൊപ്പം നിർത്തിയ ശേഷമായിരുന്നു ഇവര് പുറത്ത് പോയത്. കുട്ടി തനിച്ചാണെന്ന് മനസ്സിലാക്കിയ പിതാവ് മകളെ ബലാത്സംഗം ചെയ്യുകയായിരുന്നു. കുട്ടിയുടെ അമ്മ തിരികെ വന്നപ്പോൾ കുഞ്ഞ് അബോധാവസ്ഥയിൽ രക്തത്തിൽ കുളിച്ച് കിടക്കുന്നതാണ് കണ്ടത്. പിതാവ് വീട്ടിലുണ്ടായിരുന്നില്ല.
സംഭവത്തിന് ശേഷം കാണാതായ ഇയാളെ പൊലീസ് കണ്ടെത്തി അറസ്റ്റ് ചെയ്യുകയായിരുന്നു. ക്രൂര പീഡനത്തിന് ഇരയായ പെണ്കുട്ടി ഗുരുതരാവസ്ഥയില് ആശുപത്രിയില് ചികില്സയിലാണ്. പെൺകുഞ്ഞിനെ ദില്ലിയിലെ സഫ്ദർജംഗ് ആശുപത്രിയിലേക്ക് കുട്ടിയെ മാറ്റുമെന്ന് പൊലീസ് ഉദ്യോഗസ്ഥൻ ഷാംഷർ സിംഗ് പറഞ്ഞു. ഇന്നലെ രാവിലെയാണ് കുട്ടിയുടെ പിതാവിനെ പൊലീസ് കസ്റ്റഡിയിലെടുത്തത്. പോക്സോ വകുപ്പ് ചുമത്തിയാണ് ഇയാള്ക്കെതിരെ കേസ് എടുത്തിരിക്കുന്നത്.
