പ്രമുഖ ജനപ്രിയ സാഹിത്യകാരന് മാത്യു മറ്റം അന്തരിച്ചു
കോട്ടയം: പ്രമുഖ ജനപ്രിയ സാഹിത്യകാരന് മാത്യു മറ്റം അന്തരിച്ചു. അറുപത്തിയഞ്ച് വയസായിരുന്നു. ഞായറാഴ്ച പുലര്ച്ചെ 3.30 സ്വവസതിയില് ഹൃദയാഘാതത്തെ തുടര്ന്നായിരുന്നു അന്ത്യം. സംസ്കാരം തിങ്കളാഴ്ച വൈകുന്നേരം മൂന്നിന് കോട്ടയം പാറമ്പുഴ ബത്ലഹേം പള്ളി സെമിത്തേരിയില്. ഭാര്യ: വത്സമ്മ. മക്കള്: കിഷോര് , എമിലി. മരുമക്കള്: ജിജി, റോയി.
മലയാളത്തിലെ ജനപ്രിയ എഴുത്തുകാരില് പ്രമുഖനായ മാത്യുമറ്റത്തിന്റേതായി 270 ല് അധികം നോവലുകള് പുറത്തിറങ്ങി. ഹൗവ ബീച്ച്,ലക്ഷംവീട്, കരിമ്പ്, മേയ്ദിനം, അഞ്ചുസുന്ദരികള്, ആലിപ്പഴം, ദൈവം ഉറങ്ങിയിട്ടില്ല, പ്രഫസറുടെ മകള്, റൊട്ടി തുടങ്ങിയവയാണ് പ്രധാന രചനകള്. കരിമ്പ്, മേയ്ദിനം എന്നീ നോവലുകള് സിനിമയായി.