60 ലക്ഷം രൂപയുടെ മയക്കുമരുന്ന് പിടികൂടി നൈജീരിയന്‍ യുവതിയെ ചോദ്യം ചെയ്യുന്നു
അഹമ്മദാബാദ്: ഗുജറാത്തിലെ വഡോധരയിൽ 60 ലക്ഷം രൂപയുടെ മയക്കുമരുന്നുമായി നൈജീരിയൻ യുവതിയെ നര്ക്കോട്ടിക് സെല് അറസ്റ്റ് ചെയ്തു. വഡോധര റെയിൽവെ സ്റ്റേഷനിൽനിന്നാണ് ഇവരെ നാർകോട്ടിക്സ് കൺട്രോൾ ബ്യൂറോ ഉദ്യോഗസ്ഥര് പിടികൂടിയത്. വാര്ത്താ ഏജന്സിസായ എഎന്ഐ ആണ് വാര്ത്ത പുറത്ത് വിട്ടത്.
ദില്ലിയില് താമസിക്കുന്ന യുവതി മുംബൈയിലേക്കുള്ള യാത്രയിലാണ് പിടിയിലായത്. രഹസ്യ വിവരത്തെ തുടർന്നുള്ള പരിശോധനയിൽ യുവതി പിടിയിലാകുകയായിരുന്നു. ഗോവ സമ്പര്ക് കാന്തി എക്സ്പ്രസിലായിരുന്നു യുവതി യാത്ര ചെയ്തിരുന്നത്. രണ്ട് പെട്ടിയിലായി മയക്ക് മരുന്ന് നര്ക്കോടിക് സെല് ഉദ്യോഗസ്ഥര് കണ്ടെത്തി. നൈജീരിയന് യുവതിയെ ഉദ്യോഗസ്ഥര് ചോദ്യം ചെയ്തുവരികയാണ്. സംഭവത്തിൽ അന്വേഷണം ആരംഭിച്ചു.
