പെട്രോള്‍ പമ്പുകള്‍ക്ക് നേരെ ആക്രമണം പമ്പുകൾക്ക് സംരക്ഷണം നൽകണം
കോട്ടയം: പെട്രോള് പമ്പുകള്ക്ക് നേരെ നടക്കുന്ന ആക്രമണങ്ങളില് പ്രതിഷേധിച്ച് സംസ്ഥാനത്തെ പെട്രോള് പമ്പുകള് തിങ്കളാഴ്ച അടച്ചിടും. ഓൾ കേരള ഫെഡറേഷൻ ഓഫ് പെട്രോളിയം ട്രേഡേഴ്സ് ആണിക്കാര്യം അറിയിച്ചത്. മാര്ച്ച് 26 പുലര്ച്ചെ ആറ് മുതൽ ഉച്ചയ്ക്ക് ഒന്നു വരെയാകും പമ്പുകൾ പണിമുടക്കുക. പെട്രോൾ പമ്പുകളിൽ രാത്രി-പകൽ ഭേദമന്യേ നടക്കുന്ന ആക്രമണങ്ങളിൽ പ്രതിഷേധിച്ചാണ് പണിമുടക്ക്. പമ്പുകൾക്ക് സംരക്ഷണം നൽകണമെന്നാണ് ഓൾ കേരള ഫെഡറേഷൻ ഓഫ് പെട്രോളിയം ട്രേഡേഴ്സിന്റെ ആവശ്യം.
