ഏഷ്യാനെറ്റ് ന്യൂസ് സംഘത്തോട് മാപ്പു പറയുന്നെന്ന് ടൗണ് സിഐ
കുറ്റം ചെയ്തിട്ടില്ലാത്തതിനാല് മാധ്യമ പ്രവര്ത്തകര്ക്കെതിരെ ഒരു കേസും രജിസ്റ്റര് ചെയ്യരുതെന്ന് ഉന്നത ഉദ്ദ്യോഗസ്ഥര് നിര്ദ്ദേശം നല്കിയിട്ടുണ്ടെന്നും അദ്ദേഹം പറഞ്ഞു. ജില്ലാ ജഡ്ജിയുടെ ഉത്തരവുണ്ടെന്ന് പറഞ്ഞായിരുന്നു കോഴിക്കോട് ജുഡീഷ്യല് ഒന്നാം ക്ലാസ് മജിസ്ട്രേറ്റ് കോടതി വളപ്പില് നിന്ന് ഇന്ന് രാവിലെ ഏഷ്യാനെറ്റ് ന്യൂസ് സംഘത്തെ ടൗണ് എസ്.ഐയുടെ നേതൃത്വത്തിലുള്ള സംഘം അറസ്റ്റ് ചെയ്തത്.
ഏഷ്യാനെറ്റ് ന്യൂസ് ബ്യൂറോ ചീഫ് ബിനുരാജ്, ക്യാമറാമാന് അഭിലാഷ്, ഡിഎസ്എന്ജി എഞ്ചിനീയര് അരുണ്, ഡ്രൈവര് ജയപ്രകാശ് എന്നിവരെയാണ് പൊലീസ് ജില്ലാ കോടതി വളപ്പില് നിന്ന് അറസ്റ്റ് ചെയ്തത്. തത്സമയം ദൃശ്യങ്ങള് നല്കാനുപയോഗിക്കുന്ന ഏഷ്യാനെറ്റ് ന്യൂസിന്റെ ഡി.എസ്.എന്.ജി വാഹനവും പൊലീസ് കസ്റ്റഡിയിലെടുത്ത് സ്റ്റേഷനിലേക്ക് കൊണ്ടുപോയിരുന്നു.