കോണ്ഗ്രസ് സമാജ്വാദി പാര്ട്ടി സഖ്യത്തിന്റെ ഔദ്യോഗിക തുടക്കം പ്രഖ്യാപിക്കുന്നതിന്റെ ഭാഗമായാണ് കോണ്ഗ്രസ് ഉപാദ്ധ്യക്ഷന് രാഹുല് ഗാന്ധിയുടെയും മുഖ്യമന്ത്രി അഖിലേഷ് യാദവിന്റെയും സംയുക്ത റാലി ഞായറാഴ്ച ലക്നൗവില് നടക്കുന്നത്. ഏഴ് ഘട്ടമായി നടക്കുന്ന തെരഞ്ഞെടുപ്പില് 14 റാലികളിലാണ് ഇരുനേതാക്കളും ഒന്നിച്ച് പങ്കെടുക്കുക. ഓരോ ഘട്ടത്തിലും രണ്ട് റാലികളില് വീതം ഇരുവരും എത്തും.
ഇരുനേതാക്കളുടെയും പ്രത്യേക റാലികളും നടക്കും. അഖിലേഷ് യാദവ് അടുത്ത ഒന്നര മാസത്തിനുള്ളില് നൂറിലധികം റാലികളാണ് തീരുമാനിച്ചിരിക്കുന്നത്.
