സിപിഎം ജില്ലാ കമ്മിറ്റി അംഗവും മുന് കളമശേരി ഏരിയാ സെക്രട്ടറിയുമായ സക്കീര് ഹുസൈന്റെ മുന്കൂര് ജാമ്യാപേക്ഷ നേരത്തെ ജില്ലാ കോടതി തളളിയിരുന്നു. ഇത് ചോദ്യം ചെയ്താണ് ഹൈക്കോടതിയില് എത്തിയത്. തനിക്കെതിരായ കേസിനുപിന്നില് ഗൂഢാലോചനയുണ്ടെന്നും അറസ്റ്റുചെയ്യരുതെന്നുമായിരുന്നു ആവശ്യം. എന്നാല് സക്കീര് ഹുസൈന് ജാമ്യം നല്കരുതെന്ന് സര്ക്കാരും ആവശ്യപ്പെട്ടു. ഇതുകൂടി പരിഗണിച്ചാണ് സിംഗിള് ബെഞ്ച് മുന്കൂര് ജാമ്യപേക്ഷ തളളിയത്.
ഒരാഴ്ചക്കുളളില് അന്വേഷണ ഉദ്യോഗസ്ഥന് മുമ്പാകെ ഹാജരാകണം. സക്കീറിനെ അറസ്റ്റ് ചെയ്ത് കസ്റ്റഡിയില് ചോദ്യം ചെയ്യേണ്ടതുണ്ടെന്ന് പ്രോസിക്യൂഷന് അറിയിച്ചിരുന്നു. ഇത് കൂടി പരിഗണിക്കുകയാണെന്നും കേസിനു പിന്നിലെ ഗൂഢാലോചന അന്വേഷിക്കേണ്ടതുണ്ടെന്നും കോടതി പറഞ്ഞു. മുന്കൂര് ജാമ്യം തളളിയതോടെ സക്കീര് ഹുസൈന് വൈകാതെ തന്നെ അന്വേഷണ ഉദ്യോഗസ്ഥനുമുന്നില് കീഴടങ്ങുമെന്നാണ് സൂചന.
