ഹൈദരാബാദ്: എഴുത്തുകാരനും സാമൂഹ്യപ്രവർത്തകനുമായ കാഞ്ച ഇലയ്യക്കെതിരെ വീണ്ടും ആക്രമണം. തെലങ്കാനയിലെ ജോഗിത്യലയിലെ കോടതിയിൽ എത്തിയപ്പോൾ ഇലയ്യക്ക് നേരെ ആര്യ വൈശ്യ സംഘം പ്രവർത്തകർ ചെരിപ്പെറിഞ്ഞു. ഇലയ്യയെ കയ്യേറ്റം ചെയ്യാനും ശ്രമമുണ്ടായി. സമുദായത്തെ അപമാനിക്കുന്ന‘വൈശ്യര് സാമൂഹിക കൊള്ളക്കാര്’എന്ന ഇലയ്യയുടെ പുസ്തകം നിരോധിക്കണം എന്നാവശ്യപ്പെട്ട് ആര്യ വൈശ്യ സംഘം സമരത്തിലാണ്.
ഏഷ്യാനെറ്റ് ന്യൂസ് പ്രധാന വാർത്താ സ്രോതസായി തെരഞ്ഞെടുക്കുക
പുസ്തകത്തിന് എതിരായ കേസിൽ ഹാജരാവാനാണ് കാഞ്ച ഇലയ്യ കോടതിയിൽ എത്തിയത്. നേരത്തെ ആര്യ വൈശ്യ മഹാസഭയുടെ ഭീഷണിയുളള വിജയവാഡയിലെ പൊതുസമ്മേളനത്തില് ഇലയ്യ പങ്കെടുക്കുന്നത് തടയാന് പൊലീസ് അദേഹത്തെ വീട്ടുതടങ്കലിലാക്കിയിരുന്നു. ഈയിടെ ആര്യ വൈശ്യ സംഘം പ്രവർത്തകർ അദ്ദേഹത്തിന്റെ കാര് തടഞ്ഞ് ആക്രമിക്കുകയും ചെയ്തു. എന്നാല് പുസ്തകം നിരോധിക്കാനുള്ള ഹര്ജി സുപ്രീംകോടതി തള്ളിയിരുന്നു.
