പാർലമെന്‍ററി തെരഞ്ഞെടുപ്പിൽ വോട്ട് ചെയ്യാനെത്തിയപ്പോഴാണ് പ്രതിഷേധം നേരിടേണ്ടിവന്നത്.
റോം: മുന് ഇറ്റാലിയന് പ്രധാനമന്ത്രിയും ഫോര്സ ഇറ്റാലിയ നേതാവുമായ സില്വിയോ ബെര്ലുസ്ക്കോണിക്കെതിരെ പോളിങ്ബൂത്തില് മേൽ വസ്ത്രം ധരിക്കാതെ വനിതാ ആക്ടിവിസ്റ്റിന്റെ പ്രതിഷേധം. പാർലമെന്ററി തെരഞ്ഞെടുപ്പിൽ വോട്ട് ചെയ്യാനെത്തിയപ്പോഴാണ് പ്രതിഷേധം നേരിടേണ്ടിവന്നത്.
അരക്ക് മുകളിൽ നഗ്നയായ യുവതിയെ കണ്ട സില്വിയോ ബെര്ലുസ്ക്കോണി പെട്ടെന്ന് മുഖം തിരിച്ച് പിറകോട്ട് മാറി. വോട്ട് ചെയ്യാനായി മിലാനിലെ പോളിങ് ബുത്തിൽ ക്യൂ നിന്ന് അകത്ത് കയറിയപ്പോഴായിരുന്നു അപ്രതീക്ഷിത പ്രതിഷേധം. സിൽവിയോ ബൂത്തിൽ കയറിയ ഉടൻ വനിതാ ആക്ടിവിസ്റ്റ് മേശയിൽ ചാടിക്കയറുകയും അദ്ദേഹത്തിനെതിരെ ആക്രോശിക്കുകയും ചെയ്തു.
നിങ്ങളുടെ കാലാവധി കഴിഞ്ഞു, നിങ്ങളുടെ സമയം പൂർത്തിയായി എന്ന് പറഞ്ഞായിരുന്നു പ്രതിഷേധം. വനിതാ ആക്ടിവിസ്റ്റിനെ പൊലീസ് പുറത്തേക്ക് കൊണ്ടുപോവുകയും സില്വിയോ വോട്ട് രേഖപ്പെടുത്തി മടങ്ങുകയും ചെയ്തു. ബെര്ലുസ്ക്കോണ നേതൃത്വം നൽകുന്ന മധ്യവലതുസഖ്യം തെരഞ്ഞെടുപ്പിൽ വിജയിക്കുമെന്നാണ് കരുതുന്നത്. 2013ലെ നികുതി തട്ടിപ്പ് കേസിൽ അകപ്പെട്ടതിനെ തുടർന്ന് അദ്ദേഹത്തിന് പദവിയിൽ തുടരാൻ കഴിഞ്ഞിരുന്നില്ല.
